تونسہ : گھر میں سلنڈر پھٹنے سے 8 افراد زخمی

تونسہ شریف ،باغی ٹی وی (نامہ نگار عمران لنڈ)منگڑوٹھ غربی گھر میں ناشتہ بناتے ہوئے سلنڈر بلاسٹ ہو گیا ،جس سے 8 افراد زخمی
تفصیل کے مطابق ریسکیو 1122 ڈی جی خان کے مطابق کنٹرول روم کو کال موصول ہوئی جس میں کالر نے بتایا کہ منگڑوٹھہ غربی میں گھرمیں ناشتہ بناتے ہوئے سلنڈر بلاسٹ ہو گیا ہے جس کی وجہ سے آگ نے گھر کو لپیٹ میں لے لیا آپ فوراً مدد کیلئے فائر وہیکل اور ایمبولینسز بھیجیں۔ریسکیو 1122 کنڑول روم نے بلا تاخیر جائے حادثہ کی طرف ایک فائر وہیکل، ایک ریسکیو وہیکل، ایک موٹر بائیک سروس اور چار ایمبولینسز کو روانہ کر دیں۔ ریسکیو 1122 سٹاف نے بروقت ریسپانس کیا اور اپنی پیشہ وارانہ مہارت کو بروئے کار لاتے ہوئے زخمیوں کو ابتدائی طبی امداد کے بعد DHQ ہسپتال تونسہ شریف شفٹ کر دیا اور آگ پر مکمل قابو پا لیا۔آٹھ افراد زخمی ہو گئے ہیں۔ جس میں تین خواتین فرزانہ بی بی شہبانہ بی بی وزیراں بی بی تین مرد رحمت الللہ عامر شہزاد خادم حسین اور دو بچے نسئیل رحمت اللہ شامل ہیں