بھارت سے کشیدگی کے تناظر میں وزیرخارجہ محمد اسحاق ڈار نے برطانوی وزیرخارجہ ڈیوڈ لیمی سے رابطہ کیا اور انہیں موجودہ علاقائی صورتحال سے آگاہ کیا۔
دفتر خارجہ سے جاری اعلامیے کے مطابق اسحاق ڈار نے امن واستحکام ،قومی مفادات کے دفاع کے غیر متزلزل عزم کااعادہ کیا،ڈیوڈ لیمی نے بات چیت ،مسائل حل کر کے کشیدگی کم کرنے کی اہمیت پر زور دیا۔نائب وزیراعظم اسحاق ڈار نے موجودہ علاقائی صورتحال پر بریفنگ دی،بھارتی الزامات ،یکطرفہ اقدامات بشمول سندھ طاس معاہدے پر بات کی گئی جبکہ وزیر خارجہ اسحاق ڈار نے پہلگام واقعہ کی شفاف تحقیقات کیلئے پاکستان کی تیاری سے آگاہ کیا.
اعلامیے کے مطابق دونوں رہنماؤں میں بدلتی صورتحال کے حوالے سے فعال رابطہ برقراررکھنے پر اتفاق کیا گیا۔وزیرخارجہ اسحاق ڈار نے پاکستان کے قومی مفادات کے دفاع کے لیے غیر متزلزل عزم کا اعادہ کیا اور علاقائی امن و استحکام کے فروغ کی کوششیں جاری رکھنے کے عزم کو بھی دہرایا۔ترجمان دفترخارجہ کے مطابق برطانوی وزیر خارجہ نے بات چیت اور پرامن ذرائع سے مسائل کے حل کی اہمیت پر زور دیا، اس موقع پر اسحاق ڈار نے اس بات کا بھی اعادہ کیا کہ پاکستان کسی بھی آزاد اور شفاف تحقیقات میں شرکت کے لیے تیار ہے۔
میری پہچان پاکستان کی کمیٹیوں کے اجلاس ، موجودہ حالات کا جائزہ
پی ایس ایل 10، کوئٹہ کا پشاور کو جیت کے لیے179 رنز کا ہدف
سینیٹ الیکشن میں حمایت ، پیپلز پارٹی کا ایم کیو ایم سے ربطہ ، ملاقات کو مثبت قرار
کراچی، وکلا نے احتجاج کے دوران پولیس موبائل توڑ دی
کینیڈا فیسٹیول میں بےقابو گاڑی لوگوں پر چڑھ گئی، متعدد افراد ہلاک
