دفاتر نہ ملنے پر قومی اسمبلی قائمہ کمیٹیوں کے چیئرمین پھٹ پڑے

دفاتر نہ ملنے پر قومی اسمبلی قائمہ کمیٹیوں کے چیئرمین پھٹ پڑے ،ایک سال سےکمیٹیوں کے دفاتر غیر فعال ہیں ،چیئرمین خارجہ امور کمیٹی احسان اللہ ٹوانہ نے اسپیکرقومی اسمبلی کو خط لکھ دیا،

باغی ٹی وی کی رپورٹ کے مطابق چیئر مین خارجہ امور کمیٹی احسان اللہ ٹوانہ نے اسپیکر قومی اسمبلی کو لکھے گئے خط میں کہا کہ دفاتر کے لیے دی گئی جگہ کی حالت انتہائی خراب ہے ،کمیٹیوں کی کوآرڈ ی نیشن کا زیادہ تر کام پارلیمنٹ کوریڈورز میں کرنا پڑتا ہے ،دفاتر کے غیر فعال ہونے اور کمیٹی رومز نہ ملنے سے کام متاثر ہورہا ہے،اسپیکر کی ہدایت کے باوجود نیو کوہسار بلاک میں دفاتر دینے سے انکار کردیا گیا،نیو کوہسار بلاک میں اب بھی بہت سی جگہ خالی ہے،

سینیٹ اجلاس ،کمیٹیوں نے کام نہ کیا، مزید وقت مل گیا

خط میں مزید کہا گیا کہ پرویزمشرف دور میں نادرا کو پرانی قومی اسمبلی عمارت میں 4 فلور دیئے گئے تھے ،نادرا نے اپنا کمپلکس تعمیر کرلیا قومی اسمبلی کی جگہ خالی کروائی جائے نادرا کی خالی کردہ جگہ کو کمیٹیوں کے دفاتر کے لیے مختص کیا جائے .

چیئر مین خارجہ امور کمیٹی احسان اللہ ٹوانہ نے ا سپیکر اسد قیصر سے معاملہ فوری حل کرنے کا مطالبہ کیا.