کراچی: ڈیفنس فیز 5 میں پولیس اہلکار کو قتل کرنیوالا ملزم کس کا بیٹا ہے؟
کراچی کے علاقے ڈیفنس میں پولیس اہلکار کے قتل میں ملوث ملزم سابق ڈپٹی کمشنر کا بیٹا نکلا۔
باغی ٹی وی : ڈی آئی جی ساؤتھ عرفان بلوچ کے مطابق ملزم خرم نثارکا آبائی گھرڈیفنس فیز 5 میں جائے وقوع کے قریب ہے، پولیس نے ملزم کے گھر چھاپہ مار کر اسلحہ اور دستاویزات برآمد کرلیں جب کہ چوکیدار کو بھی حراست میں لیا گیا ہے۔
سکھر حیدرآباد موٹروے منصوبے میں سوا دو ارب روپے کی مبینہ کرپشن کیس میں نئے انکشافات
ڈی آئی جی ساؤتھ نے بتایا کہ ملزم خرم نثار بیوی اور دو بچوں کےساتھ سوئیڈن کا مستقل رہائشی ہے اور اس کا دوسرا بھائی فیملی کے ساتھ فیصل آباد میں مقیم ہے،واردات میں استعمال گاڑی گھر پر چھوڑ کر ملزم دوسری کار میں فرار ہوگیا ہےجبکہ گھر سے ملے ایک پستول کا فارنزک کرایا جا رہا ہے۔
پولیس کا کہنا ہے کہ ملزم کے گھر سے ایک پاسپورٹ کی کاپی بھی برآمد ہوئی ہے، ملزم جس گاڑی میں فرار ہوا اس کی تلاش جاری ہے اور اس کے دوستوں کے گھروں پر بھی چھاپے مارے جارہے ہیں ائیر پورٹس پر بھی ملزم کی تصاویر اور سفری دستاویزات کی تفصیلات فراہم کر دی گئی ہیں۔
جھنگ : دارلامان خاتون سے ملنے آئے افراد پر نامعلوم ملزمان کی فائرنگ،ایک شخص جاں بحق
ڈی آئی جی کے مطابق پولیس اہلکاروں نے اپنے بیان میں بتایا ہے کہ ملزم کسی لڑکی کو زبردستی ساتھ بٹھانے کی کوشش کر رہا تھا تاہم پولیس اہلکاروں کے بیان کی بھی چھان بین جاری ہے۔
