اسلا آباد، تھانہ نیلور پولیس کی مؤثر کاروائی،ڈکیتی کی متعدد وارداتوں میں ملوث منظم گروہ کے 03 ارکان گرفتار کر لئے،گرفتار ملزمان کے قبضہ سے چھینی گئی نقدی اور واردات میں استعمال ہونیوالا اسلحہ برآمد کر لیا گیا.
انسپکٹر جنرل آف پولیس اسلام آباد سید علی ناصر رضوی کے خصوصی احکامات پر اسلام آباد پولیس کا وفاقی دارلحکومت میں جرائم پیشہ عناصر کے خلاف کریک ڈاؤن کا سلسلہ جاری ہے، اسی سلسلے میں تھانہ نیلور پولیس ٹیم نے جدید تکنیکی اور انسانی ذرائع کو بروئے کار لاتے ہوئے ڈکیتی کی متعدد وارداتوں میں مطلوب منظم گروہ کے 03 ارکان کو گرفتار کرلیا، گرفتار ملزمان کے قبضہ سے چھینی گئی نقدی اور واردات میں استعمال ہونیوالے 3 عدد 30 بور پسٹل برآمد کر لئے۔گرفتار ملزمان کی شناخت عادل علی،محمد علی اور محمد کامل کے ناموں سے ہوئی۔ابتدائی تفتیش کے دوران گرفتار ملزمان نے متعدد وارداتیں کرنے کا انکشاف کیا ہے،مزید تفتیش جاری ہے۔
