ڈاکوؤں نے بیک وقت پانچ دکانیں لوٹ لیں،شہریوں میں خوف

قصور
کوٹ رادھا کشن میں گزشتہ دن ایک ہی وقت لوٹی گئی 5 دکانوں پہ لوگ سراپا احتجاج ،ڈی پی او قصور سے نوٹس لے کر ملزمان کو گرفتار کرنے اپیل

تفصیلات کے مطابق قصور کی تحصیل کوٹ رادھا کشن میں مین روڈ بمقام غلہ منڈی نزد ریلوے پھاٹک پہ فریاد فارمیسی کے قریب کل دوپہر بوقت ڈھائی بجے ڈاکوؤں نے 5 دکانوں کو لوٹا اور بآسانی فرار ہو گئے
عینی شاہدین کے مطابق ڈاکوؤں نے بیک وقت 5 دکانوں کو لوٹا اور ساتھ لائے توڑے میں پیسے ڈالے اور فرار ہو گئے
اس وقوعہ کے بعد شہری خاص کر تاجر برادری نے کوٹ رادھا کشن پولیس کی نااہلی پہ احتجاج کیا
اس وقوعے کے بعد شہری خود کو عدم تحفظ کا شکار محسوس کر رہے ہیں اور ڈی پی او قصور سے اپیل کرتے ہیں کہ ملزمان کو جلد سے جلد گرفتار کرکے لوٹی گئی رقم برآمد کروائی جائے اور تاجر برادری کو پولیس کی جانب سے مکمل تحفظ دیا جائے