جدہ میں او آئی سی وزرائے خارجہ کے ہنگامی اجلاس کے موقع پر وزیر خارجہ اسحاق ڈار نے سعودی، ایرانی اور صومالیہ کے وزرائے خارجہ سے الگ الگ ملاقاتیں کیں۔
دفتر خارجہ کے مطابق سعودی وزیر خارجہ شہزادہ فیصل بن فرحان سے ملاقات میں غزہ کی سنگین انسانی صورتحال اور جاری نسل کشی پر بات ہوئی، فریقین نے مستقل جنگ بندی، انسانی امداد کی فراہمی اور تعمیر نو پر زور دیا۔ اس موقع پر پاکستان اور سعودی عرب کے برادرانہ تعلقات اور اہم علاقائی و عالمی امور پر بھی گفتگو کی گئی۔
ایرانی وزیر خارجہ سید عباس عراقچی سے ملاقات میں اسحاق ڈار نے غزہ کی صورتحال، اسرائیلی جارحیت، نسل کشی اور قحط کی مذمت کی، ساتھ ہی انسانی امداد اور مستقل جنگ بندی پر زور دیا گیا۔ دونوں وزرائے خارجہ نے حالیہ اعلیٰ سطح دوروں کے تناظر میں پاک ایران برادرانہ تعلقات کے اعادے پر اتفاق کیا اور خطے و اس سے باہر امن و سلامتی پر تبادلہ خیال کیا۔ترجمان دفتر خارجہ کے مطابق اسحاق ڈار نے واضح کیا کہ پاکستان گریٹر اسرائیل منصوبے کو سختی سے مسترد کرتا ہے۔
صومالیہ کے وزیر خارجہ سے ملاقات میں بھی غزہ کی صورتحال اور اسرائیلی جارحیت کی مذمت کی گئی، جبکہ قحط اور انسانی المیے پر تشویش کا اظہار کرتے ہوئے امداد کی فراہمی پر زور دیا گیا۔ ملاقات میں دونوں ملکوں کے درمیان تجارت، معیشت اور عوامی روابط بڑھانے پر بھی اتفاق کیا گیا۔ وزیر خارجہ نے پاکستان میں حالیہ سیلاب کے دوران صومالیہ کی یکجہتی پر شکریہ ادا کیا۔
بھارت نے ٹرمپ کو قائل کرنے کیلئے لابنگ فرم سے معاہدہ کرلیا
