دراہمہ پولیس کا منشیات فروشوں کے خلاف کریک ڈاؤن، شراب فروش گرفتار مقدمات درج

باغی ٹی وی ،دراہمہ(عبدالوحید رند نامہ نگار) تھانہ دراہمہ پولیس کا منشیات فروشوں کے خلاف کریک ڈاون، شراب فروش گرفتار مقدمات درج تفصیلات کے مطابق ایڈیشنل آئی جی ساوتھ پنجاب کے ویژن کے مطابق اور ایس پی انوسٹی گیشن غیور احمد خان کی خصوصی ہدایت پر ضلع بھر میں منشیات فروشوں کے خلاف کریک ڈاون جاری ہے اسی سلسلہ میں ایس ایچ او تھانہ دراہمہ امجد جاوید نے بتایا کہ پولیس تھانہ دراہمہ نے الگ الگ کاروائی عمل میں لاتے ہوئے دو کس شراب فروش گرفتار کر لئے اور شراب فروش خضر عباس سے 270 لیٹر شراب جبکہ محمد حنیف سے 30 لیٹر شراب برآمد کر کے دونوں ملزمان کے خلاف الگ الگ مقدمات درج کرتے ہوئے مزید قانونی کاروائی شروع کر دی گئی ہے۔اس موقع پر ڈی ایس پی سرکل صدر اعجاز احمد بخاری کا کہنا تھا کے سرکل کے تمام ایس ایچ اوز کو ہدایت جاری کر دی گئی ہیں کہ سماج دشمن عناصر معاشرے کے ناسوروں کے خلاف بھر پور کاروائی عمل میں لائی جائے۔