لاہور: ایف آئی اے لاہور اور فیصل آباد زون کی انسانی اسمگلروں کے خلاف کارروائیاں جاری ہیں ،2 مختلف کارروائیوں میں لیبیا یونان کشتی حادثے میں ملوث سمیت درجنوں انسانی اسمگلرز کو گرفتار کرلیا۔
باغی ٹی وی: ترجمان ایف آئی اے کے مطابق یونان لیبیا کشتی حادثے میں ملوث درجن سے زائد اشتہاریوں سمیت 19 انسانی اسمگلرز گرفتار کرلیا گیا، ملزمان میں کشتی حادثے کا مرکزی اشتہاری ملزم راشد محمود بھی شامل ہے۔
دوسری جانب ایف آئی اے گوجرانوالہ نے گجرات، گوجرانوالہ اور منڈی بہائوالدین میں کارروائیاں کرتے ہوئے یونان کشتی حادثے میں ملوث انسانی اسمگلروں سمیت 9 ملزمان کو پکڑ لیا،گرفتار ملزمان میں یونان کشتی حادثے میں ملوث بدنام زمانہ ایجنٹ ظفر اقبال کو منڈی بہائوالدین سے گرفتارکیا گیا۔
اسرائیلی وزیراعظم کا زیر زمین خفیہ وارڈ میں طویل آپریشن
ترجمان کے مطابق ملزم انسانی اسمگلنگ میں ملوث بین الاقوامی گینگ کا رکن ہے، اس نے کمسن بچے کو اٹلی بھجوانے کے نام پر19 لاکھ روپے اور 2300 یورو ہتھیائے، سفر کے دوران کشتی حادثے میں بچے کی ہلاکت ہوئی تھی۔
قاتل نے مقتول کی بیوی کو عدالت میں شادی کی پیشکش کر دی
