دڑو :60 سالہ شخص لاپتہ ،پولیس نے گرفتار کر کے گم کردیا ہے ،ورثاء ، ہم نے گرفتار نہیں کیا : پولیس

باغی ٹی وی ،دڑو(امتياز آکاش ميمن کی رپورٹ )60 سالہ شخص لاپتہ ،پولیس نے گرفتار کر کے گم کردیا ہے ،ورثاء کاالزام ، ہم نے گرفتار نہیں کیا : پولیس
تفصیل کے مطابق دڑو کے نواحی گاؤں طاہر سومرو کا رہائشی 60 سالہ محمد عمر سومرو ایک ہفتے سے لاپتہ ہے۔جبکہ لواحقین کا کہنا ہے کہ ہم گزشتہ ایک ہفتے سے تلاش کر رہے ہیں لیکن اس کا کوئی سراغ نہیں مل سکا جس سے ہم بہت پریشان ہیں۔دڑو میں گمشدہ عمر سومرو کے بھائی حسین سومرو اور دیگر نے احتجاج کرتے ہوئے کہا کہ ہم غریب لوگ ہیں، ہمیں کچھ ذرائع سے معلوم ہوا ہے کہ ہمارے بھائی کو پولیس نے گرفتار کرکے گم کردیا ہے،جبکہ دڑو پولیس کا کہنا ہے کہ عمر سومرو کو ہم نے گرفتار نہیں کیا۔