سیالکوٹ.باغی ٹی وی(بیوروچیف شاہد ریاض) ڈسکہ میں گھر میں گیس سلنڈر دھماکہ، گھر تباہ،دلہن سمیت 7 افراد زخمی
نجی ہاؤسنگ سوسائٹی میں گیس سلنڈر دھماکے سے 7 افراد زخمی ہوگئے، جن میں 2 خواتین، 4 مرد اور ایک دو سالہ بچی شامل ہے۔
ریسکیو حکام کے مطابق زخمیوں میں انعم، سائرہ، مقدس، مشتاق، عمیر، شعیب اور ذوالقرنین شامل ہیں، جنہیں سول اسپتال منتقل کردیا گیا۔
ذرائع کے مطابق دھماکا اس وقت ہوا جب نئی نویلی دلہن انعم کچن میں کھانا بنا رہی تھی، زور دار دھماکے کی آواز دور تک سنی گئی۔
دھماکے سے گھر کی چھت، بیرونی دروازہ، بیڈروم، ڈرائنگ روم اور کھڑکیاں منہدم ہوگئیں جبکہ گھر کا تمام سامان جل کر خاکستر ہوگیا۔
