ڈسکہ،باغی ٹی وی( نامہ نگار ملک عمران)انجمن تاجران کی جانب سے عظیم الشان شیخ کمیونٹی کنونشن، عمرے کے ٹکٹ بذریعہ قرعہ اندازی تقسیم
تفصیل کے مطابق صدر مرکزی انجمن تاجران ڈسکہ، شیخ عابد حسین نے قائدین بین الاقوامی شیخ کمیونٹی پاکستان کے اعزاز میں ایک شاندار کنونشن کا انعقاد کیا۔
کنونشن کے مہمانِ خصوصی ڈائریکٹر ایئر سیال شیخ شاہد اسلم (ناروے) تھے، جبکہ دیگر معزز مہمانوں میں شیخ جاوید حیدر (سرپرستِ اعلیٰ بین الاقوامی شیخ کمیونٹی پاکستان)، حاجی شیخ حبیب اللہ، شیخ طاہر دانش (صدر مرکزی انجمن تاجران سمبڑیال)، اور شیخ شاءاللہ سمیت کئی اہم شخصیات شامل تھیں۔
اس تقریب میں بانی شیخ کمیونٹی پاکستان شیخ انور نعیم، شیخ عثمان، شیخ الطاف، اور شیخ ثاقب حمید ایڈووکیٹ نے بھی شرکت کی۔ کنونشن کے اختتام پر مہمانِ خصوصی نے قرعہ اندازی کے ذریعے خوش نصیب شرکاء کو عمرے کے ٹکٹ تقسیم کیے، جن میں ٹکٹ شیخ ثاقب حمید ایڈووکیٹ کے نام نکلا۔
کنونشن میں شریک معززین نے شیخ کمیونٹی کے اتحاد اور فلاحی اقدامات کو سراہا اور اس طرح کے مزید اجتماعات کے انعقاد کی ضرورت پر زور دیا۔
