گوجرہ : نواں لاہور میں دن دیہاڑے ڈکیتیوں کا سلسلہ نہ رک سکا

گوجرہ ، باغی ٹی وی ( نامہ نگار عبدالرحمان جٹ) گوجرہ علاقہ نواں لاہور میں دن دیہاڑے ڈکیتیوں کا سلسلہ نہ رک سکا۔معروف ہوٹل کے مالک کے بیٹے کو بھی دن دیہاڑے لوٹ لیا گیا۔پولیس ڈکیتیوں کی روک تھام میں ناکام۔
تفصیلات کے مطابق نواں لاہور میں واقع اکرم ہوٹل کے مالک کا بیٹا محمد رضوان ولد محمد اکرم گھر سے پیدل دن کے وقت ہوٹل آ رہا تھا کہ راستے میں دو مسلح ڈاکووں نے اسلحہ کے زور پر اسے جان سے مارنے کی دھکمی دے کر چودہ ہزار روپے اور موبائل سے محروم کر دیا۔پولیس کاروائی میں مصروف ہے۔ اہل علاقہ نے ارباب اختیار سے مطالبہ کیا ہے کہ شہریوں کے جان و مال کو تحفظ فراہم کیا جائے اور تمام چوریوں اور ڈکیتیوں کا سراغ لگایا جائے۔وقوعہ کی اطلاع تھانہ نواں لاہور پولیس کو دے دی گئی لیکن مقدمہ کے اندراج کی اطلاع موصول نہیں ہوئی۔