ڈیل آف سنچری، طاہر اشرفی نے اسلامی سربراہی کانفرنس بلانے کا مطالبہ کر دیا
ڈیل آف سنچری، طاہر اشرفی نے اسلامی سربراہی کانفرنس بلانے کا مطالبہ کر دیا
باغی ٹی وی کی رپورٹ کے مطابق چیئرمین پاکستان علماء کونسل حافظ محمد طاہر محمود اشرفی نے کہا کہ امریکی صدر ٹرمپ کے امن فارمولا پراسلامی سربراہی کانفرنس کا اجلاس فوری طور پر بلایا جائے اورڈیل آف دی سنچری منصوبے پر غور و فکر کے بعد مشترکہ لائحہ عمل اپنایا جائے ۔
علامہ طاہر اشرفی نے مزید کہا کہ کل ملک کی اہم سیاسی و مذہبی جماعتوں کا مشترکہ اجلاس بلایا جارہا ہے جس میں کشمیر و فلسطین کی تازہ صورتحال پر تبادلہ خیال کیا جا ئیگا ۔ پاکستانی قوم کشمیر و فلسطین کی عوام کے ساتھ کھڑی ہے، وزیراعظم کی اپیل پر ملک بھر میں یوم یکجہتی کشمیر جوش و خروش سے منایا جائے گا، کشمیر و فلسطین کی آزادی امت مسلمہ پر قرض ہے.
اسرائیل کے دارالحکومت تل ابیب میں قائم ‘الشیخ مونس’ یونیورسٹی میں زیرتعلیم سیکڑوں طلباء نے امریکا کے نام نہاد صدی کی ڈیل کے خلاف احتجاج کیا اور صدی کی ڈیل کے خلاف نعرے بازی کی۔
مرکز اطلاعات فلسطین کے مطابق الشیخ مونس یونیورسٹی میں زیر تعلیم طلباء وطالبات کی بڑی تعداد نے امریکی صدر ڈونلڈ ٹرمپ کے نام نہاد مشرق وسطیٰ امن منصوبے کے خلاف نعرے بازی کی۔ طلباء نے عالمی برادری، عالم اسلام اور عرب ممالک پر زور دیا کہ وہ ٹرمپ کے امن پلان کو مسترد کردیں۔
طلباء کا کہنا تھا کہ امریکا اور اسرائیل مل کر فلسطینی قوم کے دیرینہ اور بنیادی حقوق کو پامال کررہے ہیں۔ امریکا کا صدی کی ڈیل کا منصوبہ فلسطینی قوم کو اس کے حقوق سے محروم کرنے کی مذموم کوشش ہے
خیال رہے کہ امریکی صدر ڈونلڈ ٹرمپ نے منگل کے روز مشرق وسطیٰ کے لیے ایک نیا امن منصوبہ جاری کیا ہے جس پر عرب ممالک اور عالم اسلام کی طرف سے سخت رد عمل سامنے آیا ہے۔
"ڈیل آف دی سنچری یا امریکی صدر ڈونلڈ ٹرمپ کا مشرق وسطیٰ امن پلان 2020 حقیقت میں کیا ہے؟
Leave a reply
