اسلحہ ڈیلر نے فیس بک لائیو آکر خودکشی کر لی

بھارتی ریاست اتر پردیش میں اسلحے کے ایک ڈیلر نے فیس بک پر لائیو آکر خود کو گولی مار کر اپنی زندگی کا خاتمہ کرلیا۔

باغی ٹی وی : بھارتی میڈیا کے مطابق فیس بک لائیو آکر خودکشی کرنے والے شخص نند لال گپتا کی اترپردیش میں اسٹیشن ملگودام روڈ پر اسلحہ کی دکان تھی فیس بک پر نند لال گپتا نے کہا کہ قرض لوٹانے کے باوجود کچھ افراد ہراساں کر رہے ہیں۔

ہمسائےملک میں کثیرمنزلہ عمارت میں بھیانک آگ،15 افراد جل گئے

پولیس ذرائع نے بتایا کہ اسٹیشن روڈ کے رہنے والے نند لال گپتا کا اسی علاقے میں گن ہاؤس تھا فیس بک لائیو پر خودکشی کرنے سے قبل 45 سالہ نند لال گپتا نے وزیر اعظم نریندر مودی اور وزیر اعلیٰ یوگی سے اہل خانہ کی کفالت کرنے کی اپیل کرتے ہوئے کہا کہ میں بہت تنگ آکر زندگی کا خاتمہ کر رہا ہوں۔

سوشل میڈیا صارفین نے فیس بک لائیو پوسٹ پر کمنٹس میں اسلحہ ڈیلر کو خودکشی کرنے سے روکنے کی کوشش کی لیکن نند لال گپتا نے خود کو گولی مارلی۔ انھیں اسپتال لے جایا گیا لیکن وہ جانبر نہ ہوسکے۔

معروف بزنس مین محمد لاکھانی کی گاڑی پر فائرنگ

پولیس نے لاش تحویل میں لے کر پوسٹ مارٹم کیلئے بھجوا دی،اے ایس پی درگا پرساد تیواری نے بتایا کہ پولیس معاملے کی تحقیقات کر رہی ہے خاندان کی جانب سے درخواست جمع کرانے کے بعد قانونی کاروائی کی جائے گی،سوشل میڈیا پر وائرل ویڈیو کو بھی تحقیقات میں شامل کیا جائے گا جبکہ فرانزک ٹیمیں جائے وقوعہ پر پہنچ کر شواہد اکٹھے کر رہی ہیں،رپورٹ کے مطابق کاروائی کی جائے گی-

پشاور دھماکا:صوبے میں ایک روزہ سوگ ،قومی پرچم سرنگوں