مسلم لیگ (ن) نے سینیٹ کی خالی نشست پر جماعت کے دیرینہ، وفادار اور فعال رہنما میاں محمد نواز شریف کے قریبی ساتھی زبیر گل کو پارٹی ٹکٹ جاری کرنے کا فیصلہ کیا ہے۔
یہ نشست معروف کالم نگار، سینئر سیاستدان اور مسلم لیگ (ن) کے اہم رہنما مرحوم عرفان صدیقی کے انتقال کے بعد خالی ہوئی تھی۔ذرائع کے مطابق پارٹی قیادت نے طویل مشاورت کے بعد متفقہ طور پر فیصلہ کیا کہ سینیٹ کے لیے ایسا امیدوار نامزد کیا جائے جس نے نہ صرف پارٹی کے مشکل ترین ادوار میں ثابت قدمی کے ساتھ ساتھ مسلم لیگ (ن) کا بیانیہ اندرون و بیرون ملک مؤثر انداز میں پیش کیا ہو۔ اسی تناظر میں مسلم لیگ (ن) یوکے کے سابق صدر اور موجودہ چیف آرگنائزر زبیر گل کو ٹکٹ دینے کا فیصلہ یا گیا ہے
زبیر گل طویل عرصے سے نواز شریف کے بااعتماد ساتھی سمجھے جاتے ہیں۔ انہوں نے برطانیہ میں پارٹی کی سرگرمیوں کو منظم، مستحکم اور متحرک کرنے میں مرکزی کردار ادا کیا۔ پارٹی ذرائع کا کہنا ہے کہ زبیر گل کی نامزدگی نہ صرف ان کی خدمات کا اعتراف ہو گی بلکہ سمندر پار پاکستانیوں کے سیاسی کردار کے حوالے سے بھی ایک مثبت اور اہم پیغام ہو گا
دوسری جانب یہ بھی کہا جا رہا ہے کہ عابد شیر علی کوبھی ٹکٹ جاری کیا جا سکتا ہے،تاہم ابھی تک حتمی فیصلہ نہیں ہوا،
