عدالتوں میں تعینات فرض شناس ملازمین محکمہ کا فخر ہیں: واجد علی گجر

ننکانہ صاحب باغی ٹی وی (نامہ نگار احسان اللہ ایاز) عدالتوں میں تعینات ملازمین فرض شناسی اور ایمانداری کا مظاہرہ کرنے والےمحکمہ کافخر ہیں ,واجد علی گجر تفصیلات کے مطابق گزشتہ روز سٹاف آفیسر سیشن جج واجد علی گجر نے شبیراحمد سینئر اکاؤنٹنٹ سیشن جج، اسلم اور فیضان انگلش کلرک کے ہمراہ ڈسٹرکٹ کورٹ ننکانہ صاحب کا سرپرائز وزٹ کیاجہاں انہوں نے عدالتوں کے اندر اور باہر صفائی ستھرائی کی صورتحال اور سیکورٹی انتظامات کے علاوہ سٹاف کی حاضری کو بھی چیک کیا اور مختلف برانچوں جن میں سول دائرگی برانچ, نقل برانچ کا بھی معاٸنہ کیا اور ریکارڈ روم کے عملے کو ہدایت جاری کی کہ سائلین کے ساتھ اچھے طریقے سے پیش آیا جائے اور سائلین کو پیش آنے والی مشکلات کو فوری حل کرنے کے احکامات جاری کیےاور روزانہ کی بنیاد پر ریکارڈ اپڈیٹ رکھنے پرشاباش دی,سٹاف آفیسر واجد علی گجر نے سیکیورٹی انچارج اور دیگر ذمہ داران کو سختی سےپبلک سروس ڈیلیوری سمیت صفائی ستھرائی کا نظام مزید بہتر بناۓ جانے کےحوالے سے احکامات جاری کیے انہوں نے سیکورٹی پر معمور ملازمین اور افسران کو انتظامات مزید بہتر بنانے کی تاکید کی اس موقع پر گفتگو کرتے ہوۓ ڈسٹرکٹ جوڈیشری کی مثالی کارکردگی میری اولین ترجیح ہے مزید واجد علی گجر نے کہا کہ فرض شناسی اور ایمانداری کا مظاہرہ کرنے والےمحکمہ کافخر ہیں, اچانک وزٹ کا مقصد محکمہ کی کارکردگی مثالی بنانا ہے کام چور لاپروائی غفلت برتنے والے ملازمین کی محکمہ میں کوئی جگہ نہیں محنتی اور اپنے شعبہ سے مخلص ملازمین جوڈیشری کے ماتھے کا جھومر ہیں میں ان کی دل سے عزت کرتا ہوں