ننکانہ : محکمہ ہائی وے کے کرپٹ آفیسران کی ملی بھگت سےسیدوالا بچیکی روڈ میں ناقص مٹیریل کا انکشاف

ننکانہ صاحب،باغی ٹی وی(احسان اللہ ایاز)محکمہ ہائی وے کے کرپٹ آفیسران کی ملی بھگت سےسیدوالا بچیکی روڈ میں ناقص مٹیریل کا انکشاف
ضلع ننکانہ صاحب میں پروونشنل ہائی وے کی غفلت یا مبینہ بڑی کرپشن کی وجہ سے سیدوالا بچیکی روڈ میں ناقص مٹیریل کے استعمال کا انکشاف ہے ،روڈ کے ورک آڈر کے برعکس مٹیریل استعمال کیا گیا,شہری کا ڈی جی انٹی کریشن سے نوٹس کا مطالبہ
تفصیلات کے مطابق عادل ہیومن ویلفیر سٹیزن کیمونٹی بورڈ کے جنرل سیکرٹری نے ڈی جی اینٹی کرپشن کو دی جانے والی درخواست میں موقف اختیار کرتے ہوۓ کہا ہے کہ سید والہ بچیکی روڈ کی تعمیر میں ورک آڈر کے برعکس کام کیا گیا ہے لہذا ایگزیکٹو انجینٸر روڈ,سب ڈویژن آفیسر روڈ , سب انجینٸر روڈ ننکانہ صاحب اور گورنمنٹ کنٹریکٹر الکبیر کنسٹریشن کمپنی کے خلاف مقدمہ درج کیا جاۓ کیونکہ ان تمام افراد نے ورک آڈر نمبری m/c1530مورخہ 9 دسمبر 2021 کو جاری ہونے والے ورک آڈر ٹی ایس کے برعکس سب گریڈ مکمل طور پر ناقص اور uncompected ہے اور روڈ ایجنگ بھی خستہ اور پرانے مٹیریل سے کی گٸی ہے اور جبکہ کارپٹینگ روڈ میں بھی ٹی ایس کے مطابق مٹیریل استعمال نہ کیا گیا ہے ,جنرل سیکرٹری نے مزید الزام عاٸد کرتے ہوۓ کہا ہے کہ کمشن اور بھاری رشوت لیکر محکمہ کے افسران نے بل ادا کیے ہیں جس کے باعث محکمہ کو نقصان ہوا ہے لہذا ان کے خلاف مقدمہ درج کیا جاۓ اور انکواٹری عمل میں لاٸی جاۓ اور باقاعدہ طور پر کیمیکل ایگزامنر لیبارٹری کو سپیسیفکیشن ورک کے مطابق تجزیہ کرنے کے احکامات جاری کیے جاٸیں تاکہ ناجاٸز طور پر خردبردکی جانے والی رقم برآمد کروا کے روڈ کی تعمیر کو مکمل کیا جاۓ