اقتصادی رابطہ کمیٹی (ای سی سی) نے وزارتِ دفاع کے لیے 4 ارب روپے اور وزارتِ داخلہ کے لیے 20 ارب روپے فنڈنگ کی منظوری دے دی۔
اجلاس کی صدارت وفاقی وزیر خزانہ و محصولات سینیٹر محمد اورنگزیب نے کی، جس میں وفاقی وزراء، سیکریٹریز اور متعلقہ اداروں کے حکام شریک ہوئے۔وزارتِ خزانہ کے اعلامیے کے مطابق اجلاس میں وزارتِ داخلہ و انسدادِ منشیات کی جانب سے پیش کی گئی سمری پر غور کیا گیا، جس میں نیویارک شہر کے ساتھ لیز معاہدے کے خاتمے کے بعد روزویلٹ ہوٹل، نیویارک کی مالی ضروریات پوری کرنے کے لیے تکنیکی ضمنی گرانٹ کی تجویز دی گئی تھی۔ کمیٹی نے ہوٹل کی فوری ضروریات پوری کرنے کی حمایت کی اور وزارت کو ہدایت دی کہ تخمینوں کا ازسرِ نو جائزہ لے کر معاملہ دوبارہ پیش کیا جائے۔
کمیٹی نے وزارتِ دفاع کی طرف سے اسلام آباد میں ڈیفنس کمپلیکس کے لیے حاصل شدہ زمین کے مالکان کو نقد معاوضے کی ادائیگی کے لیے بھی 4 ارب روپے کی تکنیکی ضمنی گرانٹ کی منظوری دی، جبکہ باقی رقم سی ڈی اے فراہم کرے گا۔مزید برآں، ای سی سی نے وزارتِ داخلہ و انسدادِ منشیات کے امن و امان کے قیام کے لیے 20 ارب روپے کی تکنیکی ضمنی گرانٹ کی منظوری دی۔ اعلامیے کے مطابق یہ فنڈز مرحلہ وار اور ضرورت کے مطابق وزارتِ خزانہ کی مشاورت سے فراہم کیے جائیں گے۔
اسی اجلاس میں فرنٹیئر کور ہیڈکوارٹر خیبر پختونخوا (نارتھ)، پشاور کی قانون نافذ کرنے کی سرگرمیوں کے لیے 17 کروڑ 48 لاکھ روپے کی اضافی گرانٹ کی بھی منظوری دی گئی۔کمیٹی نے وزارتِ تجارت کی جانب سے افغانستان، ایران اور روس کے ساتھ دو طرفہ تجارت کے لیے بزنس ٹو بزنس (بی ٹو بی) بارٹر ٹریڈ میکنزم میں ترامیم سے متعلق مجوزہ ایس آر او کی بھی منظوری دی۔
ہندو انتہا پسند خاتون رہنماکے افئیر کے بعد تعلقات خراب، عاشق قتل کروا دیا
ہندو انتہا پسند خاتون رہنماکے افئیر کے بعد تعلقات خراب، عاشق قتل کروا دیا
پشاور ہائیکورٹ کا سرکاری ہسپتالوں کو آؤٹ سورس کرنے پر مزید کارروائی روکنے کا حکم
یوٹیوبر ڈکی بھائی کی ضمانت کی درخواست پھر مسترد
