گورنر پنجاب چودھری سرور نے کہا ہے کہ دہشت گردی کے خلاف جنگ میں پاکستان کو 100 بلین ڈالر کا نقصان ہوا.
باغی ٹی وی کی رپورٹ کے مطابق لاہور کے مقامی ہوٹل میں ایک تقریب سے خطاب کرتے ہوئے گورنر پنجاب چودھری سرور نے کہا کہ دنیا میں پاکستان کا امیج بہتر ہو رہا ہے، دہشت گردی کے خلاف جنگ میں پاکستان نے فرنٹ لائن پر کردار ادا کیا، گورنر پنجاب نے مزید کہا کہ دہشت گردی کے خلاف جنگ میں پاکستان کو 100 بلین ڈالر کا نقصان ہوا،
تقریب سے وفاقی وزیر مذہبی امور پیر نور الحق قادری نے بھی خطاب کیا،
گورنر پنجاب چوہدری محمد سرور نے مزید کہا کہ حکومت عوام کی فلاح و بہبود اور ان کے دیرینہ مسائل کے حل کے لیے دن رات کوشاں ہے۔ وزیراعظم عمران خان کے وژن کے مطابق تعلیم، صحت اور پینے کے صاف پانی کی فراہمی ہماری ترجیحات میں شامل ہے اوراس میں کوئی کسر اٹھا نہیں رکھی جائے گی۔
