دہشت گردی کا اسلام سمیت کسی مذہب سے کوئی تعلق نہیں،وزیراعظم

دہشت گردی کا اسلام سمیت کسی مذہب سے کوئی تعلق نہیں،وزیراعظم
باغی ٹی وی کی رپورٹ کے مطابق وزیراعظم عمران خان نے انسٹی ٹیوٹ آف ایڈوانس اسلامک اسٹڈیز میں خطاب کرتے ہوئے کہا ہے کہ میرا پاکستان کےلیے وہی وژن ہے جو پاکستان کے بانی کا تھا،پاکستان کو مدینہ جیسی اسلامی فلاحی ریاست بنانا چاہتے ہیں

وزیراعظم عمران خان نے مزید کہا کہ قائداعظم محمد علی جناح برصغیر کے عظیم لیڈر تھے،مدینہ دنیا کی پہلی اسلامی فلاحی ریاست تھی، نبی کریم ﷺنے اسلامی فلاحی ریاست کی بنیاد رکھی ،ہم نے پاکستان میں پہلی بار ہیلتھ کارڈ کا اجرا کیا، وہ کسی بھی ہسپتال میں ہیلتھ کارڈ کے ذریعے علاج کروا سکتے ہیں، ہم نے شیلٹر ہوم بنائے، سڑکوں پر رہنے والے شیلٹر ہوم میں رہ سکتے ہیں جہاں ان کو کھانا بھی دیا جاتاہے.

وزیراعظم عمران خان نے کہا کہ ہم نے احساس پروگرام شروع کیا، نوجوانوں کو کاروبار کے لئے قرضے فراہم کر رہے ہیں، طلبا کو سکالر شپ دی جا رہی ہے، یہ آغاز ہے، حکومت غریب کو اوپر اٹھانا چاہتی ہے، چائنہ نے لوگوں پر کام کیا اور انہیں اوپر اٹھایا،معاشرے کے غریب طبقے کو اوپر اٹھانے سے ہی ملک ترقی کرتا ہے.

وزیراعظم عمران خان کا مزید کہنا تھا کہ مدینہ منورہ میں کوئی بھی قانون سے بالاتر نہیں تھا،مدینہ میں پسے ہوئے طبقےکی ذمہ دار ریاست تھی،بدقسمتی سے پاکستانی قوم نظریےسے ہٹ گئی،وژن کے بغیر قومیں تباہ ہوجاتی ہیں،

وزیراعظم عمران خان کا مزید کہنا تھا کہ میں دسمبر میں ملائشیا میں آنا چاہتا تھا اسلامو فوبیا کے خلاف کام کرنا ہو گا، میں نے دنیا دیکھی ہے ،اسلامو فوبیا بڑھ رہا ہے اس کو روکنا ہو گا،غربت کے خاتمے کےلیے چین کے ماڈل پر عمل کررہے ہیں،معاشی حالات خراب ہونے کے باوجود فلاحی ریاست کی بنیاد رکھی،پاکستان کو حقیقی اسلامی فلاحی ریاست کے طور پر دیکھنا چاہتا ہوں

وزیراعظم عمران خان نے مزید کہا کہ انقلاب ایران کےباعث یورپ میں اسلام کاخوف پھیلا،مافیاملک کو پیچھے دھکیلنے کے درپے ہے، مسلم ممالک یورپ کو توہین رسالت سے متعلق نہیں سمجھاپائے، ہمارے ملک میں ایک طبقہ خودکوقانون سےبالاترسمجھتاہے،نائن 11کے بعد مغرب نےاسلامک ٹیررازم کا استعمال کیا ،خود کش ہندو تامل ٹائیگر نے بھی کئے لیکن مسلمانوں کو دہشت گرد کہا جانے لگا، ایسا کیوں؟ خودکش حملوں کو بھی اسلام سے منسلک کردیاگیا،دہشت گردی کااسلام سمیت کسی بھی مذہب سے کوئی تعلق نہیں،اسلام امن کا دین ہے،

وزیراعظم عمران خان کا مزید کہنا تھا کہ میں نے اقوام متحدہ کی جنرل اسمبلی میں مہاتیر محمد اور طیب اردوان سے ملاقات کی تھی اور اسلامو فوبیا کے خلاف کام کرنے کا مشورہ دیا تھا، اصل اسلام کیا ہے اس حوالہ سے آگاہ کرنے کی ضرورت ہے، پروپیگنڈہ کو بھی ختم کرنے کی ضرورت ہے اس حوالہ سے نوجوان کردار ادا کریں. میڈیا بھی اس حوالہ سے کردار ادا کرے، مغرب میں اسلام اور اسکی تعلیمات کے حوالہ سے آگاہی کی ضرورت ہے،