دہلی ایئر پورٹ، چھت گرنے سے ایک ہلاک،پروازیں معطل
![delhi airport](https://baaghitv.com/wp-content/uploads/2024/06/delhi-chat-905x613.webp)
دہلی ایئر پورٹ کی چھت گرنے سے ایک شخص کی موت ہو گئی جبکہ چھ زخمی ہو گئے ہیں
دہلی میں بارش کے بعد ایئر پورٹ کی چھت کا ایک حصہ اچانک گر گیا،واقعہ میں زخمی ہونے والوں کو طبی امداد کے لئے ہسپتال منتقل کر دیا گیا،چھت گرنے سے ایئر پورٹ پر موجود گاڑیاں بھی نیچے دب گئیں، چھت گرنے کے واقعہ کے بعد دہلی ایئر پورٹ پر فلائٹ آپریشن عارضی طور پر بند کر دیا گیا ہے.
ایوی ایشن حکام کے مطابق حادثے کے بعد ٹرمینل ون پر 16 پروازوں کی روانگی اور 12 کی آمد تھی جسے منسوخ کردیا گیا ہے،بھارتی میڈیا کے مطابق جمعہ کی صبح نئی دہلی میں موسلا دھار بارش ہوئی جس سے ٹرمینل ون کی چھت کا حصہ گرا اور چھت کا بیم بھی گرپڑا ،حادثے سے پارکنگ میں کھڑی کئی گاڑیاں بھی بری طرح متاثر ہوئی ہیں،واقعہ کے بعد حکام ایئر پورٹ پہنچ گئے ہیں، ایئر پورٹ پر ایمرجنسی نافذ کی گئی ہے.
دہلی ہوائی اڈے کے ٹرمینل 1 پر گرنے والی چھت 2008 ے دوران تعمیر کی گئی تھی۔ کام کا ٹھیکہ جی ایم آر نے پرائیویٹ ٹھیکیداروں کو دیا تھا