سیالکوٹ:مقدمہ قتل کااشتہاری 2 سال بعد انٹرپول کے ذریعے مسقط سے گرفتار

سیالکوٹ ،باغی ٹی وی (بیوروچیف شاہد ریاض سے)مقدمہ قتل کااشتہاری 2 سال بعد انٹرپول کے ذریعے مسقط سے گرفتار

تفصیل کے مطابق ڈی پی او سیالکوٹ محمد حسن اقبال کی ہدایت اور زیر نگرانی ملک محمد نوید ایڈیشنل ایس پی سیالکوٹ محمد نصیر سب انسپکٹر انچارج ایکسٹراڈیشن اور ٹیم کی بہترین کارکردگی 2 سال پرانا مجرم اشتہاری رضوان علی زین ولد سرفراز احمد سکنہ اڑتالہ سمبڑیال کوگرفتار کرلیا گیا ہے۔

مجرم مقدمہ قتل میں تھانہ اگوکی کے مقدمہ نمبر2022/815بجرم392/34/302 میں خلیل احمد کو قتل کر کے فرار ہو گیا تھا۔ملزم نے اپنی دوست اور مشہور ٹک ٹاکر میمونہ ارم شہزادی کے ساتھ مل کر اس کے شوہر کوقتل کیا اور وقوعہ کو ڈکیتی کا رنگ دینے کی ناکام کوشش کی

مجرم قتل کے بعد ملک سے فرار ہو گیا،جو 2 سال بعد مجرم کی گرفتاری بذریعہ انٹرپول عمل میں لائی گئی ۔ ،جس کے ریڈ نوٹس جاری کروا کر مسقط سے ڈی پورٹ کروا کر گرفتار کیا گیا۔مجرم کو سیالکوٹ ائر پورٹ سے گرفتار کر لیا گیا ہے.