عشرہ شان رحمت اللعالمینﷺ کے سلسلہ میں ڈپٹی کمشنر گوجرانوالہ دانش افضال کا انسانی ہمدردی کے تحت اعلی کارنامہ

گوجرانوالہ: وزیراعلیٰ پنجاب سردار عثمان بزدار کی ہدایات پر معمولی مختلف جرائم میں قید، جرمانوں کی عدم ادائیگی اور سزا مکمل کرنے والے 6 قیدیوں کاایک لاکھ سے زائد جرمانہ عشرہ شان رحمت اللعالمینﷺ کے سلسلہ میں ڈپٹی کمشنر گوجرانوالہ دانش افضال کی طرف سے ادا کیا گیا۔

سنٹرل جیل گوجرانوالہ حکام نے جرمانہ ادا کرنے والے قیدیوں کی رہائی کا پروانہ جاری کیا۔

کمشنر گوجرانوالہ ڈویژن ذوالفقار احمد گھمن نے رہا ہونے والے قیدیوں میں رہائی کے پروانے جیل سپرٹنڈنٹ چودھری اصغر، اسسٹنٹ کمشنر سٹی کامران حسین، ڈپٹی سپرٹنڈنٹ جیل ارسلان عارف کے ہمراہ حوالے کئے۔
رہا ہونے والے قیدیوں سے خطاب کرتے ہوئے کمشنر گوجرانوالہ ڈویژن نے کہا کہ وہ قانون کا احترام اور لوگوں کے حقوق کی پاسداری کریں تاکہ انہیں دوبارہ ایسی سزائوں اور قید کا سامنا نہ کرنا پڑے۔