ڈیرہ غازی خان(باغی ٹی وی) دو مختلف سڑک حادثے، 5 افراد جاں بحق، 7 زخمی،زخمییوں اورجاں بحق ہونے والوں کوریسکیو 1122 نے علامہ اقبال ٹیچنگ ہسپتال منتقل کردیا، زخمیوں میں ایک بچی اور ایک 6سالہ بچہ بھی شامل ہے.
پولیس حکام کے مطابق انڈس ہائی وے پر یارو موڑ کے قریب دو موٹر سائیکل آپس میں ٹکرا گئے جس میں 6 افراد زخمی ہوگئے ،حادثے کے بعد پیچھے سے آنے والی تیز رفتار کار بے قابو ہوکر زخمیوں پر چڑھ گئی ۔جس سے 3 افراد جاں بحق ہوگئےجبکہ ایک 4 سالہ بچی اور ایک6 سالہ بچے سمیت تین افراد زخمی ہوگئے
دوسرا حادثہ سخی سرور روڈ پر پیش آیا، جہاں دو موٹر سائیکلیں آپس میں ٹکرا گئیں ،موٹرسائیکل ٹکرانے سے دو نوجوان موقع پر ہی جاں بحق ہو گئے جبکہ چار افراد زخمی ہوگئے ۔ریسکیو 1122 نے زخمیوں کو امدادی کارروائیوں کے بعد علامہ اقبال ٹیچنگ ہسپتال کے ٹراماسنٹر منتقل کردیا ہے۔
