ڈیرہ غازیخان:زندہ قومیں اپنے شہدا کو کبھی نہیں بھولتیں، ونگ کمانڈر لیفٹنٹ کرنل اظہر منظور

ڈیرہ غازیخان،باغی ٹی وی(نامہ نگار شہزادخان)زندہ قومیں اپنے شہدا کو کبھی نہیں بھولتیں،شہدا کی لازوال قربانیوں کو ہمیشہ یاد رکھتی ہیں،پاک آرمی کے شہدا کی فیملی اپنے آپ کو تنہا نہ سمجھیں ہم ہمیشہ ان کے ساتھ ہیں ،شہد اکی قربانیوں کیو جہ سے پاکستان معرض وجود میں آیا،یہ بات پاکستان آرمی کے ونگ کمانڈر لیفٹنٹ کرنل اظہر منظور نے ٹاہلی والے قبرستان میں شہید خرم علی کی قبر پر فاتح خوانی کرتے ہوئے کہی حوالدارخرم علی چار سال قبل کنٹرول لائن کے نکیال سیکٹر پر دشمن کی گولا باری سے شہید ہوگئے تھے ، شہید کی قبر پر پھول چڑھائے اور سلامی دی شہید کی فیملی کو گفٹ پیش کئے گئے ، نجی سکول کے بچوں نے پاک آرمی کے حق میں فلک شگاف نعرے لگائے ،قبرستان میں تدفین کیپٹن عاطف اور پنجاب پولیس کے شہدا کی قبر پر فاتح خوانی کی اور پھول چڑھائے،لیفٹنٹ کرنل اظہر منظور نے کہا شہدا کا خون رائیگاں نہیں جائے گا، پاکستان کو امن کا گہوارہ بنائیں گے اور سرحدوں پر بہنے والے ہر لہو کا حساب لیں گے۔ملک وقوم کی خدمت کرتے ہوئے جان کی قرنیاں دینے والوں کی قربانیاں رائیگاں نہیں جائیں گی۔