ڈیرہ مراد جمالی ( محبوب مگسی ) :ڈیرہ مراد جمالی کا فیملی پارک” ویران خانہ” بن گیا،نہ پانی نہ بجلی نہ سیکورٹی تمام تر سہولیات سے محروم، پارک اوباش اورآوارہ لڑکوں کا مسکن بن چکا ہے-
باغی ٹی وی: ڈیرہ مراد جمالی میں قائم ضلع نصیر آباد کا واحد فیملی پارک نصیر آباد کی ضلعی و ڈویژنل انتظامیہ کی عدم توجہی کے باعث ویران خانہ بن چکا ہے جس میں نہ پینے کا صاف اور ٹھنڈا پانی ، نہ بیٹھنے اور سستانے کیلئے کرسیاں، ریفریشمنٹ کیلئے کوئی شاپ، بچوں اور خواتین کے تحفظ کیلئے سیکورٹی کا کوئی انتظام نہیں ، بچوں کی تفریح اور کھیل کود کیلئے جھولے و دیگر تفریحی سامان ٹوٹ پھوٹ چکے ہیں کچھ بھی ثابت نہیں رہا ہے-
مئی میں 25 کروڑ 50 لاکھ ڈالر کا کرنٹ اکاؤنٹ سرپلس رہا،اسٹیٹ بینک
سیکورٹی گارڈز نہ ہونے کی وجہ سے پارک شہر کے آوارہ اور اوباش لڑکوں کا مسکن بن گیا ہے نصیر آباد کی معروف علمی،ادبی و سماجی تنظیم کیئر نصیر آباد کی جانب سے کمشنر نصیر آباد ڈویژن اور ڈپٹی کمشنر نصیر آباد سے مطالبہ کیا گیا ہے کہ نصیر آباد کے واحد تفریحی مقام ” فیملی پارک” جو کہ پارک کی بجائے ایک ویران خانہ اور شہر بھر کے بدقماش لوگوں کا مسکن بن چکا ہے اس میں سیکورٹی کا فوری انتظام کرتے ہوئے فیملی پارک کو تمام تر بنیادی سہولتوں سے آراستہ کیا جائے۔
