تنگوانی :ڈیرہ سر میں مسلح افراد کا نوجوان پر تشدد، بائیک اور سامان لوٹ کر فرار

تنگوانی، باغی ٹی وی (نامہ نگار: منصور بلوچ)ڈیرہ سر کے قریب مسلح افراد کا نوجوان پر تشدد، موبائل، پیسے اور بائیک چھین کر فرار

تنگوانی کے قریب ڈیرہ سر تھانے کی حدود میں جی جی ایل نوناری کے اسٹاپ پر نامعلوم مسلح افراد نے امام بخش بجارانی کو تشدد کا نشانہ بنایا اور ان سے موبائل فون، نقدی، دیگر سامان اور بائیک چھین کر فرار ہو گئے۔

زخمی امام بخش بجارانی کو فوری طور پر علاج کے لیے تنگوانی اسپتال منتقل کر دیا گیا ہے۔ مقامی افراد کے مطابق پولیس واقعے پر خاموش تماشائی بنی ہوئی ہے اور اب تک کسی قسم کی کارروائی نہیں کی گئی۔

عوام نے پولیس کی نااہلی پر تشویش کا اظہار کرتے ہوئے فوری کارروائی اور ملزمان کی گرفتاری کا مطالبہ کیا ہے۔