پی ایس ایل 9: ویسٹ انڈیز کے سابق کپتان ڈیرن سیمی پشاور زلمی کا ہیڈ کوچ مقرر

پاکستان سپر لیگ ( پی ایس ایل) سیزن 9 کے لیے ویسٹ انڈیز کے سابق کپتان ڈیرن سیمی کو پشاور زلمی کا ہیڈ کوچ مقرر کردیا گیا ۔ پشاور زلمی کے چیئرمین جاوید آفریدی نے کہا ہے کہ وہ ڈیرن سیمی کو پاکستان سپر لیگ سیزن 9 کے لیے زلمی فیملی میں خوش آمدید کہتے ہیں ، پاکستان سپر لیگ کی ابتدا ہی سے ڈیرن سیمی پشاور زلمی ٹیم اور فیملی کا اہم ترین حصہ ہیں اور پاکستان اور زلمی فینز کے پسندیدہ ہیں۔

📣🚨

𝑫𝒂𝒓𝒆𝒏 𝑺𝒂𝒎𝒎𝒚 – 𝑯𝒆𝒂𝒅 𝑪𝒐𝒂𝒄𝒉 𝒐𝒇
𝑷𝒆𝒔𝒉𝒂𝒘𝒂𝒓 𝒁𝒂𝒍𝒎𝒊 𝑭𝒐𝒓 𝑷𝑺𝑳 9 💛

The tactician, @darensammy88 is all set to lead his men in yellow to their second championship title ⚡️🏆#Zalmi #YellowStorm #HBLPSL9 pic.twitter.com/BFpF8OnEuL

— Peshawar Zalmi (@PeshawarZalmi) January 18, 2024

دوسری جانب ڈیرن سیمی نے اپنے پیغام میں کہا ہے کہ پاکستان سپر لیگ سیزن 9 کے لیے پشاور زلمی فیملی کا حصہ بننے پر خوشی ہے ، پشاور زلمی ٹیم میرے لیے ایک فیملی کی طرح ہے ، بطور کپتان پشاور زلمی کے ساتھ پی ایس ایل 2 کا ٹائٹل جیتنا یادگار لمحات ہیں ۔انہوں نے کہا کہ پی ایس ایل سیزن 9 میں ایک بار پھر پشاور زلمی کو ٹرافی جتوانے کی کوشش کروں گا۔