سال 2022 میں آنیوالی:”سوبچوں کےقاتل جاویداقبال”سمیت بڑی بڑی پاکستانی فلموں کی تفصیل آگئی

لاہور:سال 2022 میں آنیوالی:سوبچوں کے قاتل”جاویداقبال”سمیت بڑی بڑی پاکستانی فلموں کی تفصیل آگئی،اطلاعات کے مطابق سال 2022میں پاکستانی شائقین کیلئے متعدد فلمیں سینماگھروں میں نمائش کیلئے پیش کی جائیگی۔جن میں قائد اعظم زندہ باد، گھبرانا منع ہے سمیت دیگر فلمیں شامل ہیں۔

آیئے آنیوالی فلموں پر ایک نظر ڈالتے ہیں۔

جاوید اقبال
پاکستان کے بدنام زمانہ سیریل کلر جاوید اقبال کی زندگی پر مبنی فلم 28 جنوری 2022 کو ریلیز کی جائے گی، اس فلم میں یاسر حسین اور عائشہ عمر مرکزی کردار ادا کررہے ہیں۔جاوید اقبال نے 1999 میں لاہور میں 100 سے زائد بچوں کو قتل کرنے کا اعتراف کیا تھا۔جاوید اقبال اکتوبر 2000 میں جاوید اپنے جیل کی کوٹھری میں مردہ پائے گئے۔

قائد اعظم زندہ باد
جولائی میں عیدالاضحی کے موقع پر ریلیز کی جائیگی،فہد مصطفیٰ اور ماہرہ خان اس عید الاضحی پر ’قائداعظم زندہ باد‘ میں نظر آئیں گے۔ فلم ایک کرائم کامیڈی فلم ہے۔قائد اعظم زندہ باد کے ہدایت کار نبیل قریشی ہیںاور کہانی فضاء علی مرزا نے لکھی ہے۔

گھبرانا منع ہے
گھبرانا منع ہے ستاروں سے بھرپور فلم ہے جس میں صبا قمر، سید جبران اور زاہد احمد شامل ہیں۔ اسے رواں سال اپریل میں ریلیز کیا جائے گا۔ فلم کے ہدایت کار ثاقب خان ہیں۔

پیچھے تو دیکھو
یاسر حسین کی آنے والی فلم ’پیچھے تو دیکھو‘ ایک ہارر کامیڈی فلم ہے۔ سید عاطف علی کی ہدایت کاری میں بننے والی اس فلم کو محمد یاسر اور مونم مجید نے لکھا ہے۔

اس فلم میں اداکاروں کے علاوہ عادی عدیل امجد، نوال سعید، سارہ علی خان، جنید اختر، وقار حسین، عامر قریشی، شارق محمود، ملک رضا، یاسر تاج، اصغر کھوسو، حماد صدیقی سمیت دیگر اداکار شامل ہیں۔ یہ فلم اس سال کے آخر تک ریلیز ہونے کا امکان ہے۔

پردے میں رہنے دو

فلم پردے میں رہنے دو میں خوبصورت اداکارہ ہانیہ عامر اور علی رحمان خان مرکزی کردار ادا کررہے ہیں۔وجاہت رؤف، زید شیخ اور شازیہ وجاہت کی پروڈیوس کردہ اس فلم کی کہانی محسن علی نے لکھی ہے۔ یہ سماجی کامیڈی پر مبنی ہے۔ کاسٹ میں جاوید شیخ، منزہ عریر، نور الحسن، سعدیہ فیصل، حسن رضا، شفقت خان اور سونیا نذیر شامل ہیں۔