کمشنر گوجرانوالہ ڈویژن کی زیر صدارت ڈویژنل ڈویلپمنٹ ورکنگ پارٹی کا اجلاس منعقد ہوا

گوجرانوالہ ،باغی ٹی وی س(نامہ نگار محمد رمضان نوشاہی) کمشنر گوجرانوالہ ڈویژن نوید حیدر شیرازی کی زیر صدارت ڈویژنل ڈویلپمنٹ ورکنگ پارٹی کا اجلاس منعقد ہوا

اجلاس میں حافظ آباد ، ،نارووال ،وزیر آباد اور گوجرانوالہ میں مختلف ترقیاتی منصوبوں کے نظرثانی شدہ تخمینہ جات کی منظوری دیتے ہوئے کمشنر نے اس توقع کااظہار کیا ہے کہ تمام سرکاری فنڈز شفاف اور بہترین عوامی و قومی مفاد کے تحت استعمال کئے جائیں گے۔

کمشنر نے واضح کیاکہ دستیاب وسائل کو ذمہ داری اور ایمانداری کے ساتھ خرچ کرنا متعلقہ محکموں کے افسران کی اولین ترجیح ہونی چاہیئے

انہوں نے کہا کہ حکومت کسی بھی صورت فنڈز کے استعمال میں بلا جواز تاخیر اور بد عنوانی برداشت نہیں کرے گی اورکسی شکایت کی صورت میں کرپشن ثابت ہونے پر ٹھوس کارروائی عمل میں لائی جائے گی۔

ڈائریکٹر ڈویلپمنٹ محمد عبدالرؤف نے نظرثانی شدہ تخمینہ جات کے حوالہ سے بریفنگ دی۔

اجلاس میں حافظ آباد میں محکمہ ہائی ویز کے 2منصوبوں کی منظوری دی گئی ان منصوبوں میں خانقاہ ڈوگراں 1.75 کلومیٹر روڈ اور دوسری حافظ آباد تا پنڈی بھٹیاں چنیوٹ روڈ شامل ہیں ۔

اسی طرح نارووال ہائی ویز کی ایک سڑک کی سکیم کھیوے والی تا کاکا کھو 3.1کلومیٹر جسکی نظر ثانی تخمینہ لاگت 65.054ملین روپے اور دوسری پی سی سی گلیوں ،نالیوں اور سیوریج کی سکیمز تخمینہ لاگت 165.459ملین روپے کی منظوری دی گئی

اس کے علاؤہ کمشنر نے وزیر آباد میں جی ٹی روڈ پر 15سے 20فٹ پیچ ورک کے کام کو 20دن کے اندر مکمل کرنے کی ہدایت کی

اجلاس میں گوجرانوالہ کی اے ڈی پی کی 53.787ملین روپے لاگت کی سکیموں کی بھی عبوری منظوری دی گئی ۔