میڈیلن: عام طور پر ڈاکو شہریوں کو ڈرا دھمکا کر پستول دکھا کر لوٹتے ہیں مگر ایک ایسی خاتون بھی ہے جو اپنے شکار کی یادداشت مٹا کر اسے لوٹ لیتی ہے۔
باغی ٹی وی : ڈیلی سٹار کے مطابق یادداشت کو مٹا کر سیاحوں کو لوٹنے والی کیرولینا میجا مونٹویا نامی خاتون کو کولمبیا کے شہر میڈیلن میں گرفتار کیا گیا ویلے ڈی ایبورا میٹروپولیٹن پولیس کے ترجمان نے ایکس پر کہا کہ اس نے غیر ملکی سیاحوں کو لوٹنے کے لیے ڈیولز بریتھ (شیطانی پھونک) نامی طاقتور دوا کا استعمال کیا، وہ اسے ”Scopalamine کی ملکہ“ کہتے ہیں۔
پولیس کے مطابق 27 سالہ خاتون مبینہ طور پر کیمیائی مادوں کا استعمال کرتے ہوئے لوٹنے کے کم از کم آٹھ واقعات میں ملوث ہے، ان میں زیادہ تر غیر ملکی افراد شامل ہیں جنہیں خاتون نے اپنی دوا کے استعمال میں قابو کر کے لوٹااس نے ایل پوبلاڈو کے ایک پارک میں مرد سیاحوں کو نشانہ بنایا، جو میڈیلن کا ایک امیر ترین علاقہ ہے جو جنسی سیاحت کے لیے جانا جاتا ہے،کیرولینا مبینہ طور پر مردوں کو شراب کے لیے ہوٹلوں اور اپارٹمنٹس میں مدعو کرتی تھی،پھر انہیں نشہ آور دوا دے کر بے ہوش کرنے کے بعد ان کا سامان چرا کر فرار ہوجاتی۔
آصفہ بھٹو کی خالہ کے ہمراہ والدہ بینظیر بھٹو کی مزار پر حاضری
ڈیولز بریتھ نامی دوا کولمبیا کے ایک درخت سے آتی ہے یہ ایک سفید پاؤڈر ہے جسے کسی کے چہرے پر اڑایا جا سکتا ہے یا ان کے کھانے پینے میں ڈالا جا سکتا ہے یہ پاؤڈر چند منٹوں میں لوگوں کو بے بس کر دیتا ہے دوا کا اثر 4 گھنٹے تک رہتا ہے اور پھر یہ جسم سے نکل جاتی ہے اگر اسے زیادہ مقدار میں لیا جائے تو یہ جان لیوا بھی ہو سکتی ہے۔
سکھ برادری کا بھارتی وزیر خارجہ کی واشنگٹن آمد پر احتجاج
رپورٹ میں مزید بتایا گیا کہ لٹیری خاتون کیرولینا پر ہر چوری سے 30,000 پاؤنڈ تک کمانے کا شبہ ہے مقامی لوگوں کا کہنا ہے کہ وہ لا مرینا نامی جرائم کے گروپ کی رہنما ہے، جو لوگوں کے مشروبات میں ملاوٹ کرکے ان سے چوری کرنے میں مہارت رکھتی ہے۔
مئی میں پولیس کے چھاپوں کے دوران تین مبینہ ساتھیوں کو گرفتار کیا گیا تھا لیکن وہ ایک بچے کو چھوڑ کر فرار ہونے میں کامیاب ہو گئی جس کی بعد میں دیکھ بھال کی گئی۔
خاتون جیل افسر کا قیدی کے ساتھ جنسی تعلق،ویڈیو لیک
اسپین کے ماربیلا میں چھٹیاں گزارنے والے ایک برطانوی شخص پر ڈیولز بریتھ کا استعمال بھی کیا گیا تھا، جب اس کو ہوش آیا تو اس نے دیکھا کہ دو خواتین کے اپنے گھر جانے کے بعد قیمتی سامان اور نقدی غائب تھی-
