ڈی جی آئی ایس پی آر لیفٹیننٹ جنرل احمد شریف چوہدری سے طلبا اور اساتذہ نے خصوصی ملاقات کی جس میں مختلف موضوعات پر گفتگو کی گئی-
ڈی جی آئی ایس پی آر لیفٹیننٹ جنرل احمد شریف نے طلبا اور اساتذہ کے ساتھ خصوصی نشست میں نوجوانوں کی ملک کے لیے کاوشوں کو نہایت اہم قرار دیا،انہوں نے کہا کہ پاکستان کی کامیابیاں دراصل امن کی فتح ہیں، اور وطن عزیز ایک پرامن اور مستحکم ریاست کے طور پر دنیا کے سامنے موجود ہے،ترجمان پاک فوج نے پوچھے گئے سوالوں کے جواب بھی دیئے، انہوں نے پورے ملک کے اساتذہ کو پاک فوج کا سلام پیش کیا-
ڈی جی آئی ایس پی آر نے کہا کہ دشمن کے ناپاک عزائم کے خلاف پوری قوم کو متحد رہنے کی ضرورت ہے انہوں نے دشمن کے ناپاک عزائم سے آگاہ کرتے ہوئے متحد رہنے کی تلقین کی اور طلبا سے کہا کہ وہ سچائی، جذبے اور ذمہ داری کے ساتھ ملک کی خدمت میں اپنا کردار ادا کریں۔
ترجمان پاک فوج لیفٹیننٹ جنرل احمد شریف نے کہا کہ تمام بچے اپنے اساتذہ کا احترام کریں، ہمیں اپنے اساتذہ کو سیلوٹ کرنا چاہیے انہوں نے ملک بھر کے اساتذہ کو پاک فوج کی جانب سے سلام بھی پیش کیا اور کہا کہ تعلیمی ادارے قومی تعمیر میں کلیدی کردار ادا کر رہے ہیں،نشست کے اختتام پر اساتذہ اور طلباء نے اس خواہش کا اظہار کیا کہ مستقبل میں بھی ایسے سیشنز کا انعقاد ہونا چاہیے تاکہ غلط معلومات اور غلط فہمیوں کا موثر تدارک کیا جا سکے۔
انہوں نے کہا کہ آپ کو لوگ کہتے تھے یہ اپنا کام نہیں کرتے، آپ اُن سے سوال کریں کہ فوج نے اپنا کام کیا یا نہیں کیا؟ کیا ایسے لوگوں کا احتساب نہیں ہونا چاہیےتم کون ہوتے تھے جو اپنی فوج، افسروں اور جوانوں کے خلاف باتیں کرتے تھے پاکستان کی فوج عوام سے ہے اور عوام فوج سے ہیں یہ سیسہ پلائی دیوار آپ ،اس ملک کے بچے اور بچیاں ہیں،یہ نسل کبھی بھی اس ملک کی حفاظت سے پیچھے نہیں ہٹے گی پاکستان میں دہشتگردی کے پیچھے بھارت ہے،اس آہنی دیوار کو اب ہم نے اکٹھا ہو کر دہشتگردی کی طرف موڑنا ہےعوام اورفوج اکٹھے ہوں گے تو اس ملک میں کوئی دہشتگرد نہیں بچے گا۔
ڈی جی آئی ایس پی آر نے پاکستان زندہ باد کا اسٹیج سے جبکہ بچوں کے ساتھ ملکر نعرہ لگوایا کشمیر بنے گا پاکستان کا نعرہ بھی لگوایا۔