ڈیرہ غازی خان (باغی ٹی وی، نیوز رپورٹر شاہد خان)ڈپٹی کمشنر محمد عثمان خالد کی ہدایت پر پرائس کنٹرول ایکٹ کی خلاف ورزی کرنے والوں کے خلاف کارروائیاں جاری ہیں۔ اسسٹنٹ کمشنر ہیڈکوارٹر نذر حسین کورائی نے شہر کی مختلف مارکیٹوں کا دورہ کر کے نرخنامے چیک کیے۔
کارروائی کے دوران قصاب سمیت سات سبزی و مرغی فروشوں کو سرکاری نرخ سے زائد قیمت پر فروخت کرنے پر گرفتار کیا گیا۔
اسسٹنٹ کمشنر نے کہا کہ ٹماٹر، پیاز، مرغی اور دیگر سبزیوں کی قیمتوں میں خودساختہ اضافے کے خلاف سخت کارروائی جاری ہے، اور گرانفروشی میں ملوث افراد کے خلاف بلا امتیاز کریک ڈاؤن جاری رکھا جائے گا۔
