ڈی جی نیب لاہور کو ملی سپریم کورٹ سے بڑی خوشخبری

ڈی جی نیب لاہور کو ملی سپریم کورٹ سے بڑی خوشخبری

باغی ٹی وی کی رپورٹ کے مطابق سپریم کورٹ نے نیب خلاف ضابطہ تقرریاں عمل در آمد کیس نمٹا دیا

عدالت نے کہا کہ نیب کے متاثرہ ملازمین داد رسی کے لیے متعلقہ فورم سے رجوع کریں،چیف جسٹس گلزار احمد نے کہا کہ سپریم کورٹ نیب کا سپروائزر نہیں،نیب کس کو رکھے نہ رکھے یہ سپروائز نہیں کر سکتے،نیب کے انتظامی فیصلوں سے کوئی ملازم متاثرہ ہے تو متعلقہ فورم پر جائے،

چیف جسٹس نے کہا کہ عدالت سے نیب کے بارے آبزرویشنز کیوں مانگتے ہیں؟سپریم کورٹ نے ڈی جی نیب لاہور کی جعلی ڈگری کیس بھی نمٹا دیا، درخواست میرٹ پر نہ ہونے کی وجہ سے کیس نمٹایا گیا، ہائیر ایجوکیشن نے ڈی جی نیب لاہور کی ڈگری کی تصدیق کر دی تھی

واضح رہے کہ ڈی جی نیب لاہور کے خلاف سپریم کورٹ میں جعلی ڈگری کے حوالہ سے درخواست زیر سماعت تھی، آج چیف جسٹس نے درخواست کو خارج کر دیا،