ڈی جی پاکستان سپورٹس بورڈ شعیب کھوسو کی تعیناتی اسلام آباد ہائیکورٹ میں چیلنج کر دی گئی، جسٹس بابر ستار نے درخواست قابل سماعت قرار دیتے ہوئے فریقین کو نوٹس جاری کردیے ، عدالت نے ڈی جی پاکستان سپورٹس بورڈ کی تعیناتی کا مکمل ریکارڈ بھی آئندہ سماعت پر طلب کر لیا عدالت نے سابق وفاقی وزیر کو بطور چیئرمین کے بجائے نام سے فریق بنانے کی ہدایت کردی درخواست گزار نے موقف اختیار کیا ہے کہ شعیب کھوسو سابق وزیر برائے بین الصوبائی رابطہ کے دوست ہیں، وکیل درخواست گزار کے مطابق انٹرویو کیلئے شارٹ لسٹ کئے گئے امیدواروں میں شعیب کھوسو کا نام پہلے پانچ نمبرز میں نہیں تھا، شعیب کھوسو نے درخواست کیساتھ اپنی کمپنی کا ایکسپیرئنس لیٹر لگایا، درخواست گزار کے مطابق شعیب کھوسو نے دعویٰ کیا کہ وہ قومی دستے کیساتھ جاپان گئے جو کہ درست نہیں،
شعیب کھوسو کی تعیناتی میرٹ کے برخلاف ہے کالعدم قرار دی جائے، عدالت نے نوٹس جاری و ریکارڈ طلب کرتے ہوئے سماعت اگلے ہفتے تک ملتوی کردی
Shares:
