ڈی جی خان : جعلی ٹائیپنگ ٹیسٹ،کرپشن ،انسٹیٹیوٹ آف کارڈیالوجی میں جعلی بھرتیوں کا انکشاف

ڈیرہ غازیخان،باغی ٹی وی (شہزادخان نامہ نگار) جعلی ٹائیپنگ ٹیسٹ،کرپشن ،انسٹیٹیوٹ آف کارڈیالوجی میں جعلی بھرتیوں کا انکشاف،کامرس کالج میں خفیہ ٹائپنگ ٹیسٹ کیلئے من پسند امیدوار لائے گئےجبکہ دیگرامیدواران کوبتلایاتک نہیں گیا، ٹیسٹ شیٹ بھی نمبرلگائے بغیر غائب،اکثرامیدوران کوبتایا جارہا ہے کہ الیکشن کمیشن کی جانب سے اجازت ہی نہیں ملی جبکہ اندرون خانہ بھرتیوں کا عمل مکمل .

تفصیلات کے مطابق سردارفتح محمد بزدارانسٹیوٹ آف کارڈیالوجی میں خالی اسامیوں میں بھرتی کیلئے غیرقانونی طور پرتعینات آفس سپرنٹنڈنٹ فخر ملغانی جوT گروپ کاسربراہ ہے نے گروپ کے کلیدی عہدیداروں کی مشاورت سے من پسند امیدواران کے ٹائپنگ ٹیسٹ خفیہ رکھ کرکرائے جبکہ دیگرامیدواران کوبتلائے بغیرٹیسٹ کرایا اور اداروں کی معلومات پرشیٹ اپنے ہمراہ لے جانےوالے آفس سپرنٹنڈنٹ ساتھ جانے والے اہلکارمذکورنے کالج آف کامرس کی انتظامیہ کمیٹی کاکندھااستعمال کیااورنمبر لگوائے بغیر ریکارڈلے کراڑن چھو ہوا

جس پر چھان بین کے بعد اہلکارمذکور نے بتایا کہ ریکارڈ غلطی سے ہمراہ لے گٰے تھے جس پر پرنسپل نے کہا کہ وہ کیسے نمبر لگاسکتے ہیں ریکارڈمیں مبینہ طور پرردوبدل کاقوی امکان ہےاکثرامیدوران کوبتایا جارہا ہے کہ الیکشن کمیشن کی جانب سے اجازت ہی نہیں ملی جبکہ اندرون خانہ بھرتیوں کے عمل کومکمل کرکے اہل افراد کے حقوق پر ڈاکہ ڈالنے کیلئے کرپشن کی ماہر ٹیم سرگرم عمل ہے

اس حوالے سے متعدد حلقوں میں میڈیکل سپرنٹنڈنٹ سے رابطہ کیاتوانہوں نے کہا کہ بھرتیوں کے عمل کیلئے فخر عزیز سے رابطہ کیاجاناہی مناسب ہے