ڈیرہ غازیخان : قتل کااشتہاری مجرم انٹرپول کے ذریعے سعودی عرب سے گرفتار

ڈیرہ غازیخان(باغی ٹی وی رپورٹ) شہری کے قتل میں ملوث بیرون ملک فرار ہونے والا مجرم اشتہاری انٹر پول کے ذریعے سعودی عرب سے گرفتار

تفصیلات کے مطابق محمد اختر نے ناجائز تعلقات کے شبہ پر محمد جاوید کو سال2022 میں کلاشنکوف سے فائر کر کے قتل کردیا تھا جس کے خلاف تھانہ کوٹ مبارک میں مقدمہ نمبر 103/22 درج ہوا اورملزم بیرون ملک فرار ہو گیا تھا۔

جس پر ڈی پی او ڈیرہ غایخان احمد محی الدین کی خصوصی ہدایت پر انسپکٹر لیگل آصف اقبال رانا، ایس ایچ او کوٹمبارک ارشد علی معہ ٹیم نے مجرم اشتہاری محمد اختر کے خلاف ریڈ وارنٹ جاری کرا کر فرار ہونے والے مجرم اشتہاری کو انٹر پول کے ذریعے سعودی عرب سے گرفتارکرا لیا ۔

ڈی پی او احمد محی الدین نے کہا کہ ہمارا مقصد مظلوم کی داد رسی ہے اس کے علاوہ ضلع بھر میں قتل و ڈکیتی جیسے سنگین جرائم میں ملوث چوروں راہزنوں اور ڈاکووں کے منظم گینگز کے خلاف گھیرا تنگ کر دیا گیا ہے

جن کی گرفتاری کے لئے مختلف ٹیمیں تشکیل دے دی گٸ ہیں اورضلع بھر میں جرائم کی سرکوبی کے لئے ڈسڑکٹ پولیس ڈیرہ غازیخان بھر پور کردار ادا کر رہی۔