ڈیرہ غازیخان،باغی ٹی وی( نامہ نگارشہزادخان)تحصیل ٹرائیبل ایریا کے تمام ہسپتالوں میں ملیریا ٹیسٹ فری ہوں گے
حکومت پنجاب کے احکامات کی روشنی میں شہریوں کو طبی سہولیات کی فراہمی کے لئے ڈسٹرکٹ ہیلتھ اتھارٹی ڈیرہ غازیخان ہمہ وقت کوشاں ہے،ڈپٹی کمشنر مہر شاہد زمان لک کی ہدایت پر کوہ سلیمان کے پہاڑی خطہ میں رہائش پذیر افراد کو ملیریا سے بچانے کیلئے بروقت اقدامات کو یقینی بنایا گیا ہے،
اس حوالے سے قبائلی علاقہ تحصیل کوہ سلیمان میں ملیریا کے ٹیسٹ اور علاج کے لئے چیف ایگزیکٹو آفیسر ہیلتھ ڈیرہ غازی خان ڈاکٹر ادریس لغاری نے2000 ملیریا کٹس فراہم کر دی ہیں،کٹس کی دستیابی کے بعد اب تحصیل ٹرائیبل ایریا کے تمام ہسپتالوں میں ملیریا ٹیسٹ فری ہوں گے،
سی ای او ہیلتھ ڈاکٹر ادریس لغاری نے ملیریا کی ادویات کی فراہمی کیلئے ڈسٹرکٹ مینجر پنجاب ہیلتھ فیسلیٹیز مینجمنٹ کمپنی عابد علی کو کٹس کی فراہمی کے ساتھ قبائلیوں کو تمام تر طبی سہولیات فراہم کرنیکی ہدایات بھی دی ہیں۔
