ڈیرہ غازی خان :کمشنر اور آرپی او نےڈپٹی کمشنر کے ہمراہ ماڈل بازار میں قائم رمضان بازار کا اچانک دورہ کیا

ڈیرہ غازی خان باغی ٹی وی (نیوز رپورٹر شاہد خان )کمشنر ڈیرہ غازی خان ڈویژن ڈاکٹر ناصر محمود بشیر نے آر پی او کیپٹن ریٹائرڈ سجاد حسن خان اور ڈپٹی کمشنر مہر شاہد زمان لک کے ہمراہ ماڈل بازار میں قائم رمضان بازار کا اچانک دورہ کیا۔اے ڈی سی آر میاں رضوان نذیر ،اے سی صدر عثمان غنی اور دیگر افسران موجود تھے۔

کمشنر ڈی جی خان نے رمضان بازار میں ایگریکلچر فئیر پرائس شاپ پر موجود اشیاء کے معیار ،پھل، سبزیوں کی تازگی اور قیمتوں کا جائزہ لیا۔خریداری میں مصروف لوگوں سے نرخ کے بارے میں معلومات لیں۔

کمشنر نے رمضان بازار اور مارکیٹ کے نرخ کا موازنہ کا چارٹ آویزاں کرنے کے احکامات جاری کئے۔انہوں نے کہا کہ سرکاری نرخ پر اشیاء خوردونوش کی دستیابی یقینی بنائی جائے۔رمضان بازاروں میں سیکیورٹی اور محفوظ پارکنگ یقینی بنائی جائے۔

رمضان بازار میں موجود ہر اشیاء پر بن کارڈ آویزاں کئے جائیں۔کمشنر ڈاکٹر ناصر محمود بشیر نے کہا کہ پھل،سبزیوں اور دیگر اشیاء خوردونوش کے معیار پر ہرگز سمجھوتہ نہیں کریں گے ،

کمشنر ڈی جی خان نے کہا کہ رمضان بازاروں میں عوامی شکایات کے بروقت ازالہ کےلئے سیل قائم کیا جائے ۔اشیاء خوردونوش کے وژن کےلئے موقع پر اوزان رکھے جائیں