ڈیرہ غازی خان: یومِ تشکر کی تقریبات، پاک فوج سے اظہارِ یکجہتی

ڈیرہ غازی خان (باغی ٹی وی،نیوز رپورٹر شاہد خان) وزیر اعلیٰ پنجاب مریم نواز کی ہدایت پر ڈیرہ غازی خان میں جمعتہ المبارک کو یومِ تشکر کے طور پر منایا گیا۔ دن کا آغاز قرآن خوانی اور خصوصی دعاؤں سے ہوا، جبکہ سرکاری و نجی عمارات پر قومی پرچم لہرائے گئے۔

ضلع کونسل میں مرکزی تقریب کا انعقاد ہوا، جہاں کمشنر اشفاق احمد چوہدری، آر پی او کیپٹن (ر) سجاد حسن، ایم پی اے حنیف پتافی اور دیگر نے پرچم کشائی کی۔ پولیس، ریسکیو، سول ڈیفنس اور دیگر اداروں کے دستوں نے سلامی دی۔ شہداء کی فیملیز مہمان خصوصی تھیں، جنہیں گلدستے پیش کیے گئے اور شرکاء نے کھڑے ہو کر خراج تحسین پیش کیا۔

طلباء نے ملی نغمے اور ٹیبلوز پیش کیے، جبکہ پولیس لائنز میں بھی یوم تشکر کی تقریب منعقد ہوئی۔ مقررین نے پاک فوج کی بہادری کو سراہا اور بھارت کو دی گئی منہ توڑ جواب کو خراج تحسین پیش کیا۔ قوم کے اتحاد اور پاک فوج کی جرات کو تقریبات کا محور قرار دیا گیا۔