ڈیرہ غازی خان ڈویژن میں سمر کیمپ کا آغاز کردیا گیا ہے

ڈی جی خان ،باغی ٹی وی (نامہ نگار شہزاد خان )ڈیرہ غازی خان ڈویژن میں سمر کیمپ کا آغاز کردیا گیا ہے۔جیمنزیم ہال میں 12 اگست تک جاری رہنے والے سمر کیمپ میں آٹھ سال اور 14 سال سے کم عمر کے طلبا و طالبات کے مابین بیڈ منٹن ٹیبل ٹینس جمناسٹک تیکوانڈو ہاکی کرکٹ اور کراٹے سمیت کھیلوں کے فروغ کیلئے بچوں کو مفت تربیت اور کھیلوں کا سامان دیا جائیگا ڈویژنل سپورٹس آفیسر عطا الرحمن نے بتایا کہ سمر کیمپ میں آٹھ سال تک کے ایسے بچے بھی شرکت کرسکتے ہیں جو اس سے قبل کسی بھی کھیل کا حصہ نہیں رہے انہوں نے بتایا کہ صبح آٹھ سے گیارہ بجے دن اور شام پانچ بجے سے آٹھ بجے تک تربیتی سیشن ہوں گے جس کیلئے 11 سپیشل کوچز کی خدمات حاصل کی گئیں ہیں