ڈیرہ غازی خان (باغی ٹی وی، سٹی رپورٹر جواد اکبر)گدپور نزد لوہار والا میں بجلی کے میٹر کے تنازعہ پر رشتہ داروں کے درمیان جھگڑا ہوا جس کے نتیجے میں دو خواتین زخمی ہو گئیں۔
ریسکیو 1122 کنٹرول روم ڈیرہ غازی خان کو ایک ایمرجنسی کال موصول ہوئی، جس میں کالر نے اطلاع دی کہ گھریلو تنازعہ کے باعث رشتہ داروں کے درمیان جھگڑا ہوا ہے، جس میں دو افراد زخمی ہو گئے ہیں اور فوری ایمبولینس کی ضرورت ہے۔
ریسکیو 1122 کنٹرول روم نے فوری طور پر قریب ترین اسٹیشن سے ایک ایمبولینس جائے حادثہ کی طرف روانہ کر دی، جبکہ پولیس کنٹرول کو بھی واقعہ کی اطلاع دے دی۔
ریسکیو سٹاف کے موقع پر پہنچنے پر پتہ چلا کہ دو خواتین جھگڑے میں زخمی ہوئیں۔ دونوں زخمی خواتین کو ابتدائی طبی امداد دینے کے بعد علامہ اقبال ٹیچنگ ہسپتال ڈیرہ غازی خان منتقل کر دیا گیا۔
لواحقین کے مطابق بجلی کے میٹر کے مسئلے پر رشتہ داروں کے درمیان گھر میں جھگڑا ہوا، جس نے تشدد کی صورت اختیار کر لی۔
