اسلام آباد کچہری دھماکے سے قبل افغانستان سےکی جانے والی سوشل میڈیا پوسٹس نےکئی سوالات کھڑے کردیے ہیں۔
اسلام آباد کچہری میں دھماکا لگ بھگ سہ پہر 12 بج کر 45 منٹ پر ہوا، لیکن افغانستان کے سوشل میڈیا اکاؤنٹس پر صبح سویرے سے بازگشت سنائی دی جارہی تھی،ذرائع کے مطابق طالبان کے ایک ایکس اکاؤنٹ خراسان العربی کی طرف سے اسلام آباد دھماکے کے ساتھ ہی جاری ہونے والی پوسٹ گھناؤنے عزائم کی عکاسی کرتی ہے۔ 6 بج کر 45 منٹ پر افغان طالبان سے منسلک ایکس اکاؤنٹ سے "coming soon Islamabad” جیسی پوسٹ دیکھی گئیں۔ذرائع کے مطابق اسی طرح کے دھمکی آمیز پیغامات افغان ملٹری پریڈ کے موقع پربھی کیے گئے تھے، جس میں لاہور پر افغان جھنڈا لہرانے اور اسلام آبادکو جلانےکی باتیں کی گئی تھیں۔
ذرائع کا کہنا ہےکہ افغان ایکس اکاؤنٹ “آماج نیوز” نےاپنی 2 نومبر کو کی جانے والی پوسٹ میں ان دھمکی آمیز پیغامات کوپوسٹ کیا تھا۔ذرائع کا کہنا ہےکہ اسلام آباد اور نئی دہلی میں دھماکے پاکستان مخالف ممالک کی ملی بھگت ہے جن کا مشترکہ مقصد پاکستان کو نقصان پہچانا ہے۔
