فیض آباد دھرنا نظر ثانی کیس, التوا کی درخواست دائر
سپریم کورٹ میں شیخ رشید کے وکیل نے فیض آباد دھرنا نظر ثانی کیس میں التواء کی درخواست دیدی
شیخ رشید کے وکیل کی جانب سے سپریم کورٹ میں دائر درخواست میں کہا گیا ہے کہ بلوچستان کے نگران وزیر قانون کے عہدے کا چارج لے چکا ہوں،صوبائی وزیر قانون بننے کے بعد عدالت میں بطور وکیل پیش نہیں ہو سکتا،انصاف کے تقاضوں کیلئے مقدمے کی 28 ستمبر کی سماعت ملتوی کردی جائے،
دوسری جانب آَئی بی نے بھی نظرثانی درخواست واپس لینے کا فیصلہ کیا ہے، میڈیا رپورٹس کے مطابق انٹیلی جنس بیورو کے ڈپٹی ڈائریکٹر اسداللہ خان نے متفرق درخواست دائر کردی جس میں مؤقف اختیار کیا گیا ہے کہ انٹیلیجنس بیورو فیصلہ کیخلاف نظرثانی واپس لینا چاہتا ہے،متفرق درخواست منظور کرکے نظرثانی درخواست واپس لینے کی اجازت دی جائے
