اسلام آباد:محکمہ موسمیات کے مطابق ملک کے بیشتر بالائی علاقوں میں مطلع ابر آلود رہے گا۔
باغی ٹی وی : محکمہ موسمیات کے مطابق ملک کے بیشتر بالائی علاقوں میں مطلع ابر آلود رہنے کے علاوہ بعض مقامات پر آندھی،تیز ہواؤں اورگرج چمک کے ساتھ بارش اور پہاڑوں پر برف باری کا امکان ہے آج ملک کے بیشتر بالائی علاقوں میں مطلع ابر آلود رہے گا دوپہراور شام،رات کو خطہ پوٹھوہار سمیت شمال مشرقی پنجاب ،بالائی خیبر پختونخوا، گلگت بلتستان اورکشمیر میں آندھی،تیز ہواؤں اورگرج چمک کے ساتھ بارش اور پہاڑوں پر برف باری کا امکان ہے۔ اس دوران چند مقا مات پر ژالہ باری کی بھی توقع ہے پنجاب کے وسطی،جنوبی علاقوں اور بالائی سندھ میں صبح کے اوقات میں سموگ اور دھند چھائے رہنے کا امکان ہے۔
چترال،دیر بالا اور مضافاتی میں زلزلے کے جھٹکے
دوسری جانب غیر ملکی میڈیا کے مطابق بحیرہ اسود میں سمندری طوفان نے روس اور یوکرین کے ساحلی علاقوں کو شدید متاثر کیا جس کے نتیجے میں ہلاکتوں کے ساتھ بڑے پیمانے پر تباہی مچی ہے سمندری طوفان کی وجہ سے روس کے زیر انتظام کریمیا میں لاکھوں لوگ بجلی سے محروم ہوگئے جب کہ دونوں ملکوں کے ساحلی علاقوں میں تیز بارش اور آندھی کی وجہ سے سڑکیں زیر آب آگئیں اور درخت جڑ سے اکھڑنے سمیت بیشتر مکانوں کو بھی نقصان پہنچا-
نگران وزیراعظم اور بل گیٹس کے درمیان ٹیلی فونک رابطہ
یوکرین میں 2 ہزار کے قریب قصبے اور دیہات اتوار کی رات سے بجلی نہ ہونے کے سبب تاریکی میں ڈوبے ہوئے ہیں جب کہ اوڈیسا میں ہیٹ اینڈ پاور پلانٹ تباہ ہوگئے ہیں سمندری طوفان کی وجہ سے ہونے والی بارشوں اور تیز ہواؤں کے سبب مختلف واقعات میں یوکرین میں 10 افراد ہلاک ہوچکے ہیں جب کہ روس میں 3 افراد کے ہلاک ہونے کی اطلاعات ہیں روس کی قومی موسمیاتی سروس کے سربراہ نے کہا کہ کریمیا سے ٹکرانے والا ایک طاقتور طوفان تھا۔
