ڈی آئی خان : 10 سالہ بچہ زیادتی کے بعد قتل

ڈیرہ اسماعیل خان ،باغی ٹی وی (نامہ نگار احمدنوازمغل)ڈیرہ کے علاقہ کڑی شموزئی میں 10 سالہ بچے کو مبینہ زیادتی کے بعد قتل کر دیا گیا، سبحان نامی بچے کے ساتھ پڑوسی داؤد نے زیادتی کی بچے کے ماموں کا پولیس کو بیان

بچے کے ماموں نے پولیس کو بیان دیا گھر والے پورا دن سبحان کو تلاش کرتے رہے جبکہ داؤد نامی پڑوسی نے اسے زیر تعمیر گھر کے کمرے میں زیادتی کے بعد بے دردی سے آزار بند سے گلہ گھونٹ کر قتل کیا۔

پولیس کے مطابق واقعہ کے بعد بچے کو مفتی محمود ہسپتال لایا گیا جہاں ابتدائی طور پر زیادتی اور گلے میں پھندہ ڈالنے کی تصدیق ہوئی ہے۔

سبحان کے ماموں نے ایف آئی آر میں مؤقف اختیار کیا علاقے کی مستورات کی نشاندہی پر سبحان زیر تعمیر گھر میں نیم برہنہ حالت میں فرش پر پڑا تھا۔ نیم برہنہ سبحان کے گلے میں آزار بند کا پھندہ ڈلا ہوا تھا جبکہ ہسپتال میں ان کے مرنے کی تصدیق ہوئی۔

تھانہ کھوئی بہارہ میں بچے کے ماموں کی مدعیت میں داؤد نامی شخص کے خلاف مقدمہ درج کردیا گیا۔ پولیس کے مطابق تاحال داؤد خان نامی شخص علاقے سے لاپتہ ہے جن کی گرفتاری کے لئے کوششیں جاری ہیں