ڈی آئی جی خادم حسین کا تبادلہ، سندھ ہائیکورٹ نے دیا بڑا حکم
ڈی آئی جی خادم حسین کا تبادلہ، سندھ ہائیکورٹ نے دیا بڑا حکم
باغی ٹی وی کی رپورٹ کے مطابق سندھ ہائی کورٹ نے ڈی آئی جی خادم حسین اور ایس پی ڈاکٹر رضوان کے تبادلے کا نوٹیفکیشن کالعدم قرار دے دیا۔
سندھ ہائی کورٹ میں ڈی آئی جی کے تبادلے کے خلاف درخواست پر سماعت ہوئی، درخواستگزار نے عدالت میں موقف اپنایا کہ ڈی آئی جی خادم حسین اور ایس پی ڈاکٹر رضوان سمیت 80 سندھ پولیس افسران کے تبادلے کر دیئے گئے، سندھ حکومت نے اپنے قوانین کی بھی خلاف ورزی کی ہے،
درخواست میں کہا گیا کہ ڈی آئی جی خادم حسین کا تبادلہ بھی آئی جی کے علم میں لائے بغیر کر دیا گیا۔
عدالت نے کیس کی سماعت کے بعد دونوں پولیس افسران کے تبادلے کا نوٹیفکیشن کالعدم قرار دے دیا۔عدالت نے ریمارکس دیتے ہوئے کہا کہ ڈی آئی جی خادم حسین اور ایس پی ڈاکٹر رضوان کا تبادلہ غیر قانونی ہے، پولیس افسران کے تبادلے پر طریقہ کار پر عمل نہیں کیا گیا، سندھ حکومت آئی جی کی مشاورت کے بغیر پولیس افسران کے تبادلے نہیں کر سکتی۔
