ڈیرہ اسماعیل خان خان،باغی ٹی وی (نامہ نگاراحمدنوازمغل)محرم الحرام ،سیکورٹی پلان ،ضلع ڈیرہ چارزون اور آٹھ سیکٹرزمیں تقسیم
ڈیرہ پولیس نے محرم الحرام 2023کا سیکورٹی پلان جاری کردیاصوبے کے حساس ترین ضلع ڈیرہ کو چارزون اور آٹھ سیکٹرزمیں تقسیم کیا گیا ،ہر زون پرSPاورسیکٹرپرDSPانچارج ہوگا،7774سیکورٹی اہلکار اپنے فرائض سرانجام دینگے،عبدالرئوف بابر قیصرانی
کسی بھی مریض کو ایمر جنسی کی صورت میں ہسپتال پہنچانے کیلئے خصوصی روٹ ہوگا، یکم محرم سے آٹھ تک موٹر سائیکل کی ڈبل سواری جبکہ نواوردس کو مکمل پابندی ہوگی،ڈی پی او کی بریفنگ
ڈیرہ اسماعیل خان پولیس نے محرم الحرام 2023کا سیکورٹی پلان جاری کردیا،ڈسٹرکٹ پولیس آفیسر عبد الرؤف بابر قیصرانی نے ضلع کی سیکورٹی تفصیلات بتاتے ہوئے کہا کہ صوبے کے حساس ترین ضلع ڈیرہ اسماعیل خان کو چارزون اور آٹھ سیکٹرزمیں تقسیم کیا گیا ہے۔ہر زون پر SPرینک کا آفیسر جبکہ ہر سیکٹر پرڈی ایس پی رینک کا آفیسر انچارج ہوگا ،جبکہ 194چھوٹے بڑے جلوسوں اور 642مجالس کے لیے 7774پولیس اہلکار اپنے فرائض سر انجام دیں گے ،
شہر کے مختلف مقامات پر 100کے قریب اضافی ناکابندیاں قائم کی گئیں ،داخلی و خارجی چیک پوسٹوں پر اضافی نفری بھی تعینات کرکے چیکنگ کا نظام مزید سخت کر دیا گیا۔دوران محرم ضلع ڈیرہ پولیس کے علاوہ اضافی نفری دیگر اضلاع سے طلب کی گئی ہے جو کسی بھی ایمرجنسی کی صورت حال میں اپنے فرائض سر انجام دے گی۔ضلع بھر میں نافذ دفعہ 144کے تحت یکم محرم سے آٹھ محرم تک موٹر سائیکل کی ڈبل سواری پر پابندی ہوگی جبکہ نواور دس محرم کو موٹر سائیکل چلانے پر مکمل پابندی ہوگی ۔کسی بھیمریضکو ایمر جنسی کی صورت میں ہسپتال پہنچانے کے لئے ایک خصوصی روٹ بھی بنا دیا گیا ہے ۔
