ڈیرہ اسماعیل خان:گذشتہ روز قتل ہونیوالی 16سالہ لڑکی کا قاتل گرفتار

ڈیرہ اسماعیل خان،باغی ٹی وی (نامہ نگاراحمدنوازمغل) تھانہ گومل یونیورسٹی پولیس کی کاروائی ،گزشتہ روز قتل ہونیوالی 16سالہ لڑکی حفصہ بی بی کے قتل کا معمہ حل،ملزم گرفتار،آلہ قتل اور وقوعہ میں استعمال ہونیوالا موٹرسائیکل برآمد ۔

تفصیلات کے مطابق ایس پی انوسٹی گیشن ڈیرہ اقبال خان کی زیر نگرانی ڈیرہ پولیس نے ایک اور قتل کا معمہ حل کرتے ہوئے گذشتہ روز گھر میں داخل ہو کر لڑکی کو قتل کرنے والے ملزم نعمت اللہ ولد محمد ہاشم قوم نائی سکنہ سگو شمالی کو گرفتار کرلیا ، گرفتار ملزم سے آلہ قتل پستول30بور بمعہ لائسنس اور وقوعہ میں استعمال ہونے والا موٹرسائیکل برآمد کرلیا،

یاد رہے کہ گذشتہ روز تھانہ گومل یونیورسٹی کی حدود میں واقع علاقہ پکہ ملانہ میں نعمت اللہ بھٹی ولد ہاشم سکنہ سگو شمالی نے گھر میں موجود 16سالہ اپنی رشتہ دار حفصہ بی بی دختر عبدالجبار چھینہ جو اپنے گھر کے صحن میں روٹیاں بنا رہی تھی پر پستول سے فائرنگ کر دی ، جس سے وہ موقع پر جاں بحق ہوگئی اس دوران متوفیہ کے بھائی 25سالہ عامر چھینہ نے ملزم کو پکڑنے کی کوشش کی لیکن وہ موقع سے بھاگ گیاتھا جسے آج پولیس نے گرفتار کرلیا ہے